أضف سؤال أو موضوع جديد          

الاسكاليد يا اهل التجربة والخبرة

up 1 down 3
هاوي707 221
قبل سنه



السلام عليكم
مسيتم بالخير ي اهل المنتدى

اخوكم عينه على موتر اسكاليد قصير من ٢٠١٥ وفوق

وناس تمدح وناس تذم
مع العلم ان مافيهم اللےْي جربه ولا مسك طارته

واغلبهم يقول دامك بتشتري بهالمبلغ خذلك جي اكس ار
وسعره فيه وقطع غيار رخيص لكن فقير بالمواصفات
ولا يصف جنب فخامه الاسكاليد ويتقارن به لكن متقاربين بالسعر

وش رايكم.....



ملاحظة / سؤالي من الناحيه المكانيكيه وعملانيه الموتر واسعار قطع غياره
اما الفخامه خابرها لو نتكلم الى بكرة مابنخلص ماشاءالله
ورجاء لا يتكلم الا خبير ومجرب







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


و عليكم السلام و الرحمه
اللي اعرفه انه هو و اليوكون دينالي
مكينته اكبر و اكثر صرفيه بنزين 6.2
التاهو و اليوكون العادي اقل صرفيه 5.3 و في نظام توفير البنزين اذا سواقتك هاديه
قطع الكاديلاك البودي و الهدروليك اغلى و القير ٨ نمر على ما اذكر
و اللاند ينافسه الباترول و ان كانوا الاثنين بيتغيرون قريب
حتى اليوكون و التاهو و الاسكاليد الوعد موديلات 2021 او 2022 بالكثير
غير سعر البنزين ما انصحك بمكاين V8 اكثر الشركات بتحول على تيربو V6 قريب


up 1 down 2



والله الاسكاليد جميل
لكن فيه الاجمل منه
اذا تدور الفخامه والرفاهيه على اصولها
وهو
انتفنتي Q80 مواصفات لاكجري
صراحه اتعب ولا اقدر احصي مواصفاته
وميزته ان قطعه مثل قطع الباترول
وقطع الباترول متوفره وسعرها معقول بالوكاله وخارجها
واسعار 2015 على 120 وفيها
الاسكاليد 2015 اخبره على 160 الف وفيها
يعني راح توفر مبلغ كبير ومواصفات جدا قويه
طبعا انصحك بشكل 2015 لان جاء عليه فيس ليفت وشكله طلع جدا جميل مقارنه ب٢٠١٤ وتحت
واسعاره من ١٢٠ ل ١٣٠ شيء نظيف جدا ويمكن تحصل بارخص


up 1 down 1



القطع نار ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,و


up 1 down 3
سكودر 14925
قبل سنه



حياك الله اخوي بخصوص الاسكاليد انا عندي الشكل اللي قبله وللأمانة السيارة نادر تطلب صيانة وعملي جدا ومريح وصدقني يستاهل سعره وانا لو بغير احتمال اخذ الجديد من ٢٠١٥ وفوق. جربته من وكالة البحرين وكان جدا حلو يعيبه بس صرف البنزين وكمقارنه مع اللند واللكزس اشوفه مقارب لهم أو افضل . نصيحه توكل على الله واشتر واستمتع فيها. بخصوص القطع مثل الفحمات والمقصات نفس التاهو وتعيش مدة طويلة اما اللي يقول الإكسسوارات غاليه فهذي نادر تغيرها وممكن تطلبها بالنت اوفر


up 2 down 0
abofarah 1083
قبل سنه



الله يعطيكم العافية شباب ع التفاعل

ابو فرح الله يعافيك هل يقبل بنزين ٩١؟ وهل قطعه صحيح
مثل قطع التاهو واليوكن انا سمعت ان فيه اختلاف بحكم ان حودة
القطع في الاسكاليد اعلى واقوى ما ادري ليتك تفيدني
وهل جربته في الرمله كيف كان ادائه؟




up 1 down 0
هاوي707 221
قبل سنه



بالنسبه لصرفية البنزين فهو يعتبر احسن المنافسين

يعني لو جبنا جنافسيه اللكزس ٥٧٠ والانفنتي q80

كلهم صرفيتهم اعلي منه سواء داخل مدينه او خط وبطاقة الكفاءة تثبت ذلك

ومن ٢٠١٨ وفوق صار ١٠ نمر يعني المكينه مرتاحة اكثر واما الفخامه

فالصدق والله تتعب وانت تتكلم فيها راحة متقاعده لحالها تكفي



up 1 down 0
هاوي707 221
قبل سنه



استخدامك يحدد
في الخطوط مامثل الامريكي في البر مامثل الياباني
دايم حاول انك ماتشتري الدفعة الاولى من اي شكل جديد عشان تسلم العيوب المصنعية
اشتر موديلين بعد


up 1 down 0



أغلب القطع نفس التاهو واليوكن يفرق ان المساعدات هيدروليك والبنزين يقبل ٩١ صحيح حاليا سيارتي اعبيها ب١٣٠ ريال فل تمشي معي حدود ٤٥٠ بخصوص البر جنط الموتر كبير وما اشوفه جيد في البر وخصوصا اللي معي ماتقدر تتحكم بالدبل لانه awd وربي يوفقك ويسعدك دوم يارب


up 0 down 0
abofarah 1083
قبل سنه



واياك يارب الله يكرمك ماقصرت معنا يابو فرح

بس كيف تعبيه ب١٣٠ ويمشيك داخل المدينه ٤٥٠ قليل

ابو فرح كذا يعتبر يصرف التاهو يمشي ع كلام احد الشباب ٦٥٠ تقريبا

اذري مكينته اكبر ماشاءالله بس حقيقة كنت متفاءل يجيب رقم اعلي

كذلك سؤال اخر وش نوع الزيت الي تستعمله كم لزوته ياغالي؟


up 1 down 0
هاوي707 221
قبل سنه



5w30 يمشي عشرة آلاف كيلو . بخصوص صرفية البنزين هذا المعدل الطبيعي لكن احيان يمشي اكثر وهذا في غالبية السيارات الكبيرة يعتمد على استخدامك .


up 0 down 0
abofarah 1083
قبل سنه



الله يعطيك العافية ع التجاوب العام ولاهنت


up 0 down 0
هاوي707 221
قبل سنه