أحد عنده CTS فل ومن الخبر او الدمام لأني أبغى اسوقها وأسأله

Cadillac CTS صعب تلاقي احد عنده هذه السيارة

يفيدوك اهل 5.7 Chrysler 300c

استخدمت كل السيارتين في فترات مختلفة. اذا عندك اسالة ممكن اساعدك واذا تبي تجرب السياره كل الوكالتين عندهم تجربة وموضوعه سهل ياخذون رخصتك ويسوون لك تفويض وغالبا يطلع معك شخص من الوكالة تجرب سواقة السيارة

ابوعبدالله
تكلم لي عن السيارتين
امر تجربة القيادة سهل
بس يهمني قيادتها لأول مرة مع شخص يملكها
لان هالسيارات احس مايملكها الا ناس حبتها قبل تشتريها
فالحديث مع صاحبها وبنفس الوقت اسوقها
شي بيخليني اعرف عنها كثير واكثر من تجربة القيادة
وسعر السيارتين غالي
عشان كذا اخترت هالطريقة عشان اقرر ومااندم

بعطيك مثال
الفورد عندي فيها عيوب مصنعية محد يعرفها مثل
مثبت السرعة ع طرق طويلة لازم تنتبه له خاضة اذا طلعت طلعة ورجع القير نمرة، تعلق السيارة ع النمرة السابقة لوقت طويل والكل عارف ان هالشي يخلي القير يحتر ع مدى بعيد ويضرب القير
وصارت مع ناس كثير وفوردات جدد اول مانزلت لان مايعرفون هالشي
والطريقة الصحيحه تطفي المثبت وتخلي الموتر يعشق وبعدها ترجع تشغله

ابغى واحد زي كذا
يعطيني أسرارها

يهمني اعرف عن قيادتها
المواصفات معروفة

أنا دخلت ع اسمك ولقيت معاك فورد وماشي كثير جدا ماشاءالله

فانت تقريبا تشبهه لاخوي.. عدا ان الفورد اللي كان معه ممشاه قليل

وقريب اشتر كرايزر ٦ سلندر فئه s

اول شيء.. السياره كشكل وجمال ورساوة ممتازه ولا يعلى عليها

لكن يقول لي.. انا متعود على الفورد على اول.. وماكنت اهتم بالحفر والشوارع المكسره

لكن هالسياره.. اي شيء بالشارع يرج بالداخليه.. وبالذات ديكوراتها تحسها هشه. خصوصا الجنط ٢٠ ودعسة الكفر ٤٥

فما فيها راحة الفورد وقلبك عليها بالحفر والمطبات و ماتاخذ راحتك لان شوارعنا تحتاج تجديد من اول وجديد

معليش يا صديقي بس من اللي فاضي لك ويعطيك سيارته وتسوقها ويسولف عليك!!!


روح للوكالة واطلب تجربة قيادة وجربها واجلدها جلد .. وخل موظف الوكالة يسولف عليك

اكثر الناس نصحوني ابعد عن هالسيارتين والحمدلله اني ما سمعت نصايحهم.
كلهم سيارات عملية وممتازة وفخمه وان كان يعيبهم وكالاتهم. 
العيب الوحيد الي شفته فيهم هو طيحة السعر اذا بغيت تبيعهم خصوصا اذا انت مشتريهم وكالة والكدلك يطيح سعرها اكثر. الظروف بيد الله لكن اذا انت من الناس الي تغير سيارات كثير الكدلك بتخسر فيها كثير.

واضافة بسيطة السيارتين بيوقف انتاجهم هالسنة

ابوك يالميانه .. كذا بتركب مع راعيها وتسولف معه وانت ماتعرفه ولا يعرفك

انا معي cts 2012 اعلى فئة تبي فخامة يمشي تبي سبورت يمشي والراحة والمتانة مايحتاج اصلا وانت تقول اسمه تحس براحة والكرايسلر استخدمت ٢٠١١ و ٢٠١٣ و ٢٠٠٨ كلها ممتازة ومريحة وفخمة وسبورت لكن انتبه من المطبات لانها تطلب جلد مقصات بزود لانها ثقيلة شوي بس فالخط لاتسأل عنها خذها مني مريييييييييييييييييييحات كلها بس حاول يكون الجنط من ١٨ وتحت 

الفورد المنقذ الفورد الكفو الفورد الاسطوره
راحه وهدوء وعزم وعملي وقطع ببلاش ومكده
عزالله انه كفوو خذ فكتوريا ٢٠١١ او٢٠١٢ وادعي لي