أضف سؤال أو موضوع جديد          

وش رايكم بالكاديلاكct6

up 2 down 1
سفيرالفرح 5
قبل سنه و 6 شهر



استفسار عن كاديلاكct6جديد حصلت عليها عرض بالجميح امس نزل العراستفسارض فل كامل بلاتينيوم شي جبار صراحه وفخامه بشي غير معقول والعرض قوي
(240000)ريال ضمان خمس سنوات مفتوح وصيانه اربع سنوات او(100000)كم مجانا حتى الزيوت والفلاتر
مع العلم انا جايهم قبل اسبوع كانت(300000)ريال نازله ستين الف ريال وش رايكم بالسياره اللي استخدم او سمع عنها شي يفيدنا.مع العلم حتى ctsنص 2019 عليها عرض(160000)ريال نازله من(200000)ريال ونفس الضمان.
والله يوفق الجميع








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اول شي صبحك الله بالخير
السيارة هاذي كل الي اعرفه عنها ان مدير الجامعة عندنا معه وحدة زيها
ويداوم عليها يومياً وحتى اذا بيزور فروع الجامعة يروح عليها وظنتي مايروح عليها الا لاعتماديتها
طبعاً الي يسوقها سواق مايسوقها الا طااااير تقل واحد يلحقه

هذا الي اعرفه عنها واعذرني


up 1 down 6
معرض المئوية 200
قبل سنه و 6 شهر



بهذا المبلغ اخذ لي لكزس أفخم واجمل و اعتماديه اكثر وسهولة صيانه اكثر من الكدلك
والأهم انها تمسك سعرها


up 7 down 8
sabal 582
قبل سنه و 6 شهر



مميزه بين السيارات ،،، للي يقول لكزز او كامري وتورس ملينا من كثر ما نشوفها


up 1 down 3
ايدج14 -1
قبل سنه و 6 شهر



الكاديلاك سيارة حلوة وراقية لكن للأسف قطعه غالية وصيانته سيئة حتى في الوكالة ولهذا السبب تلاقيها تفقد الكثير من سعرها بعد ٥ سنوات وتلاقيها في المناطق الصناعية مرمية وعليها غبار بسبب المشاكل وسوء الوكالة


up 7 down 0
أبو عبادة 4850
قبل سنه و 6 شهر



السيارة كمحرك تشترك مع مجموعة سيارات من شركة GM وهذي ميزة لها . الكاديلاك سيارة مميزة جداً ولها برستيج مختلف اما فئة CT6 من اجمل السيارات السيدان حالياً سواء الشكل الخارجي او داخل السيارة واللي فيها 34 سماعة نظام BOSE طبعا مواصفاتها كثيرة جداً والعرض الحالي ممتاز خصوصا مع الصيانة المجانية توكل على الله ومبروك مقدماً


up 4 down 0
abofarah 1083
قبل سنه و 6 شهر



السلام عليكم
افيدك من ناحية السواقه
جربتها صراحه السياره سواقتها ناعمه ومريحه بشكل مو طبيعي ومقاسها جداً ممتاز 
صدقني اذا جربت تسوقها بتبهرك 
وصدقني موضوع الضمان والصيانه شي نفسياً مريح عندي جينيسس ومرتاح يارب لك الحمد مع الصيانات والضمان ماشيل هم شي

عليك بالاستخاره ومشاورة المجربين للوكيل وبالتوفيق


up 4 down 0
المدينه 300 782
قبل سنه و 6 شهر



اشكر الجميع على تجاوبكم النير الله يسعدكم وبصراحه الضمان مغري ومريح بعد الله سبحانه تكون مرتاح وفعلا سياره انا شفت وش فيها من مواصفات شي صراحه ابداع..تحياتي لكم والله يسر امري وامركم


up 1 down 0
سفيرالفرح 5
قبل سنه و 6 شهر



توكل على الله وخذها موتر ممتاز جدا


up 1 down 1
hossam 6724 341
قبل سنه و 6 شهر



بقولك الي عندي
زميلي بالعمل معه هالنوعيه
جته صدمه بالوجهيه كلفت 45 الف التأمين ماعطاه الا 38 الف
والان جته صدمه بالخلف وتمرمط مع التأمين
ولا سيمت الا ب75 قبل الحادث الاخير
شفت كيف وضعها بالنسبه لتكلفتها وسعرها عند البيع


up 4 down 1
سعد بن سليمان 57
قبل سنه و 6 شهر



السيارة فخمة ومريحة وعملية ماعليها كلام بس سعرها غالي واذا السيارة عاجبتك توكل على الله. ومبروك مقدما


up 0 down 2
ابومعتز2019 389
قبل سنه و 6 شهر



سيارة فخمة لكن غامضة وتفقد المثير من سعرها بعد سنتين فقط والكلام هذا هنا وفي امريكا، ومن اكثر السيارات في عدم الاعتمادية حسب cunsumer reports وقنوات غيرها، ولا ننسى انها من جي ام يعني شفروليه فخمة :( 
واكيد اي سيارة جديدة بتبهرك بسواقتها في البداية. 


up 1 down 1
dell2012 1025
قبل سنه و 6 شهر



معليش على الشطحة لكن كان عند خويي كدلك موديل ٩٧ الي اسطبه يجي واقف 
حقيقة انا  كان عندي فكتوريا هايدوليك فل كامل ديجيتل موديل ٢٠٠٠ وكنت اشوفه من انعم واهدى السيارات
طبعاً الكلام هذا قديم تقريباً عام 2002 - 2003
ويوم جربت الكدلك حق خويي حطيت اكس على الفورد وحسيت فعلاً بالفرق في النعومة والعزل
لكن دآئماً يخوفونا من انها تطلب قطع وصيانة وغالية ومعقدة  صيانتها الي يشتغل في صيانة كاديلاك ميكانيكية قليلين جداً



up 2 down 1
مطر ١ 1
قبل سنه و 6 شهر



عن تجربه 
1- سياره في رفاهيه وفخامه ورساوه متعه القياده من حد لا مثيل لنا 
2- سياره حسب ما فهمت من اخ وليد في وكاله كاديلاك مخلصه ومحجوز  2 
من كثر الطلي عليها

ضحكني بعض الناس يلي تسمع وبس
يقارن بسيارات تويوتا بكاديلاك شي مضحك لانه فرق في الامكانيات
والاسم والعزل والرحه والانسيابه لكاديلاك 90٪

بنسبه للسعر كل سيارات الالماني الناس هاب عليه
يصير 70 من قيمتها راح بعد سنتين يلي 700 يصير 300
والكل عارف 
بس يلي يسمع مشكله 




up 1 down 4
idance
قبل سنه و 6 شهر



انحشششش منها خويي يقول مديره مغير كفرات ٧٠٠٠ ريال واشترها لها دينمو مروحه الصغير حصله بس بجده طلبيها سعر ٤٦٠٠  


up 3 down 1
سكودر 14926
قبل سنه و 6 شهر



الله يعينك من شله تويوتا 



up 1 down 3
idance
قبل سنه و 6 شهر



انا جربتها بالوكاله نص ساعة طلعت عيوبها ماتناسبني الا وهي لفه الدركسون قصيره تظطر تدق ريوس اذا تاخذ يوتيرن شوارع فرعيه
والعيب الثاني قساوه على عيون القطط بسبب الجنوط كبيره


up 1 down 2
abcdefg123 6
قبل سنه و 6 شهر



سيارة قليلة الانتشار راح تتعبك اما سالفة الضمان المفتوح ياناس وكاله تقدر تتهرب متى مابغت والوكالات عندنا احيانا عطل
بسيط مايقدرون يحلونه


up 1 down 0
المنطق يقول 724
قبل سنه و 6 شهر



خذها وغير كفراتها دور نوعية ناعمة ومالها صوت نيتو او دنلوب


up 0 down 0
112233ahmad
قبل سنه و 2 شهر