رائيكم في اسكاليد 2012 امريكي

و عليكم السلام و الرحمة
بغيت انبهك اذا ما عندك علم
ان مكينته حجم اكبر من التاهو و اليوكون
و تصرف بنزين اكثر 6200 cc
و ما ندري عن اسعار البنزين الى دخول ٢٠١٨ على خير

و يفيد اكثر اللي مجرب الامريكي و الكاديلاك

مايفرق في الموصفات لاكن بعض الاشياء ومهمة لازم تركز عليها لون الداخليه اذا كان اسود فهو غير مرغوب

اذا هو معجبك خذه بس حط في بالك عند البيع محد يرغبله الدعسات الامريكي تجي عادي وكهرب الكهرب افضل

ناضر بطن السيارة اذا كانت ماكلها الحلا فبعد عنها لانه الاسكاليد في امريكا يعاني من مشكلة في الكهرب السالب

لانه الاغلبية مثبتة على الشاص واذا صدا راح تبدا مشاكل تقطيع الكهرب وحلها مكلف

رابع شي انتبه للمشى تراهم يسنخدمون الميل والبعض يجي عداده نهايتة 160 ميل

واخيرا السعر ممتاز مهو غالي اذا خلا من العيوب فتوكل على الله

الموتر مريح عملي فخم وقوي ويجمل في كل شي تبه بر تبه خط تبه مدينة تبيه عايلة تبيه حق منسبات مناسب لكل شي

مع ولد جارنا. يمدحة. مدح مو طبيعي. ما عدا استهلاك البنزين. ماش لان مكينته كبيره

موتر ممتاز وعزمه يطربك صح والرجال اذا مقتدر ماديا مايهم البنزين يستاهل موتر صح

يعطيكم العافيه
ممكن اعرف ايش الفرق بين 2012
و 2009 ؟

لان سمعت في موديل بدء منه يجي مبرد قير وكالة + زيادة في نمر القير 

غالي بتلاقي ارخص بكثير

الاسكاليد كاستخدام نفس التاهو واليوكن يشترك معهم في الشاص وبعض القطع مثل الفرامل وكرسي القير والدبل وهي سيارة عملية جداً

يعيب الاسكاليد كبر حجم الجنوط ياخذ جزء من الراحة ويكون مشيه في البر صعب شوي بحكم انك ماتقدر تنسم الكفرات كثير لان الكفر ارتفاعه 45 بس وايضا اصوات الديكور كعادة السيارات الامريكية

اما صرفية البنزين صحيح ان مكينته 6.2 لتر لكن يعتبر صرفيته افضل من الباترول واللند وهذا الشي غير واضح بسبب ان تانكي البنزين للقصير فقط 90 لتر اما الباترول 140 لتر الفل عندي يمشيني داخل المدينة 400 كيلو

اهم شي يكون زينون وفيه نقطه عمياء و dvd وشاشه . العداد تقدر تحوله كيلو بضغطة زر .

المبرد ونمرة زيادة هذا لليوكن او التاهو

اما الاسكاليد الفروقات كتالي

2007 اول اصدار المحرك 6.2 والقير 6 نمر اسم القير l99 وهاذولي استمرو الى 2014 مافيهم اي تغير
2008 اضافو الدعسات الكهرب وشاشتين دفيدي للسعودي الامريكي موجودة فيه من ال 2007 والجنوط 22 صارت على كل الفئات استندر ال7 جنطة 18
2009 الشاشة تحدثة صار فيه بلتوث اشارات المريات جت خط ال 7 و 8 نقط العدادة شكله احلى وجاء االون الولوئي زادو عزل الصوت في الداخليه
2010 جت فيئه اسمها بلاتنيوم موصفاتها اعلى بشوي وشكله فخم واحلى بكيثير
2011 الشاشة تحدثة وصارت مدخل واحد لسيدي والدفيدي اول مدخلين ومدخل AUX المديلات الاوله خلف التكاية
2012 نزلو فئة اسمها سبورت شكله مناسب الكثرين هو خليط بين ال 3
2013 حطو ارباقات للركبة
2014 اخر اصدار نفس ال 13 بس جا اكثر الوان

جزاكم الله خير ع المعلومات المفيده