أضف سؤال أو موضوع جديد          

خسرت 2000 وبدال ماتتصلح المشكلة زادة الحل ياخوان مع الورشة

up 2 down 1
xxالعنزي 502 xx 260
قبل سنه و 4 شهر



السلام عليكم ورحمة الله وبركاتة

ياخوان املك سيارة من نوع اسكاليد 2007 من 4 سنوات وعندي لمات المكينة ومانع الانزلاق مولعه من 6 شهور

قبل شهرين او اكثر ضهرت معي مشكلة احيناا واحياننا تختفي وتبعتها مشكلة وهي نتعة وتفتفة عند الضغط على الدواسة وخصوصا السرعات المنخفضة

مع صوت ضرب حديد فقط عند الدعس وهي معشقة والمشكلة استمرت حول الشهرين وبعدها

زادة المشكلة صارت السيارة بعض الاحيان يطفي عداد الضغط وتقوم السيارة ماتدعس وتطفي واذا رجعتها لل n

وادعس المكينة صافية واذا رجعت عشقت تقوم ترجع نمر وتلخبط بتعشيق واذا طفيتها وفصلت البطارية ترجع امورها سليمة

وديتها ورشة تركي نصاااب فحصها كميوتر قال عندك 8 حساسات منها الكام شفت الكرنك شفت حساس الزيت وحساس الطرنبة

وحساسين للقير وحساس التايمن المهم ياخوان شريت كل الحساسات معدى ال حقات القير قالي لاتشتريها انا بضبطها

تفجأت اني يوم رجعت الورشة مالقيت السيارة يقلون اخوياه انهم اتصلو عليه ويقول انه راح يجربها الرجال تأخر

ومشيت وبصدفه لقيت السيارة بمحل شكامين دخل الورشة لقيت باكستني قاعدة يلحم يشكمان وتهاوشت معه

ويجي التركي يقول انه يبي يفرغ الدبه ومنذا الكلام انا رفضت لاكن للاسف طلع انه مفرغها قبل ما اوصل

وقال اضمنلك انه ما تتطلع منها اي مشكال او اي علامة او صوت اعطيته الحساسات ومشيت

اليوم الثاني ماخلصها اليوم الثالث جيته يقول خلصتها جربت السيارة وكانه مسوى فيها شي اللهم صوت الشكمان عالي

رجعتله يقول ايه التفتفه والنتعة وصوت الحديد من البواجي واسالكها المهم مابقيت اطولها قلت ابي اجبلك البواجي بشرط تضبط

جبت البواجي واسلاكها اليوم الي بعده جيته الصبح جربت السيارة وهو راكب معه الصوت والنتعة ماضهرت حاسبته وقالي
صوت الشكمان من كعكات الشكمان غيرها وبتضبط بطريق وانا راجع البيا رجعت نفس المشكلة رجعتله المغرب وقبلها مريت عند

محل الشكمانات عشان اشوف وضع الكعكات الى ويقولي الكعكات مافيها شي لازم تشتري دبات جديدة ويوم شفت الدبات لقيتها مقطعها وملحمة واسلكها مقطعها وربطها بسلاك ثانية

انا انصدمت جيت ابي اروح الورشة واشرحلة المشكلة لقيته مسكر

ولا عرفت وش اسوي و اسف طولت عليكم بس من الغبنه والله ولا عرفت وش اسوي معه ومع المشكلة الي صارت مشاكل

وستم اضافة صور الورشة قريبا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اخوي دام تطفي شيك ع الحذاف


up 0 down 3
احمد 170 297
قبل سنه و 4 شهر



إرجع له وخله يضبطها على حسابة وإذا ماطل ورفض ما يردك إلا ثلاث تسعات


up 4 down 2
الوافي62 344
قبل سنه و 4 شهر



لا تطولها معه قدم فيه شكوى ويمكن لو خليته يفك ويربط بالسيارة راح يخربها اكثر واكثر


up 0 down 1
دكتوراه في الحب 166
قبل سنه و 4 شهر



المفروض من عند محل الشكمان تحجز السيارة وتبلغ الشرطة ماله حق ياخذ السيارة برة الورشة بدون اذن منك وجهة نظر الله يسهلك


up 7 down 0
ryyan555 666
قبل سنه و 4 شهر



الأعراض هاذي جات للافلانش حق الوالد
التراكشن يمسك السيارة فجأة ونتعات في القير
لما فحصتها له طلع لي كود غريب
بحثت عنه في الانترنت ما لقيت عنه اي معلومات
ودها الوالد لورشة
الورشة اتصل على واحد في الوكالة
الوكالة قالوا هذا بلاطة داخل المكينة تسبب البلا هذا كله
وبالفعل غير البلاطة وضبطت

الكود كان
B2AAA تأكد من الكود هذا



up 2 down 3
ms3al 1608
قبل سنه و 4 شهر



لا يردك الا 999 ووالله ينصفونك الوالد قد راح ورشة وصلح الموتر ويوم طلع من عنده رجعت المشكلة ورجع للورشة
واللي فالورشة رفض يصلح مره ثانية قاله ابوي تر بدق عالشرطة قال دق براحتك وبس ابوي ما دق راح بنفسة للقسم وجاب ورقه
للميكانيكي من الشرطة انه يحضر القسم ووالله انه مشى معنا مثل الفل من بعدها .. تر حقين الورش اذا عطيته وجه بيمسح بكرامتك


up 1 down 1
الحنشاوي 41
قبل سنه و 4 شهر



طيب ليش يفرغ الدبات اذا المشكلة كهربائية من حساسات وغيرها والدليل والله اعلم انه اذا فصلت البطارية وشغلتها يظبط الموتر

قله يدفع قيمة الدبات اول شي ويرجع قيمة شغل يده او يصلح المشكلة


up 0 down 1
300
قبل سنه و 4 شهر



اكتب فيه محضر و خذ نسخنه قبل ما ترفعه ووره الورقه و قله يا تصلح ولا هاذي عند الشرطة ؟؟


up 1 down 0
معاوية 4594 -176
قبل سنه و 4 شهر



ماله حق يتصرف ويلعب في الشكمان 
ماله حق يتفلسف ويقول غير وغير ويالاخير ما تصلح 
دق ع الشرطه ...ويسحبونه ع وجهه 
ولك كل الحق تاخذ الفلوس من عيونه النجس 
وتلاقيه من هالكلاب العلويه اللي يتقرب لربه 
انه يآذيك باي شي ...لا تتركه النجس خلك وراه 


up 2 down 1
لا للغلاء 583
قبل سنه و 4 شهر



ودها ورشة مختصة وبس
وغير كذا لو تفر فيها الصناعيات كلها في المملكة مارح يعرفون لها و تضيع فلوسك على الفاضي
صحيح انهم اغلى من غيرهم لكن على سنع


up 1 down 2
chevrolet zr1 584
قبل سنه و 4 شهر



الشريطية و حقين الورش دائما يدعون ها الدعاء ( ربي زدني نصبا )


up 0 down 7
معاوية 4594 -176
قبل سنه و 4 شهر



حاول تاخذ مايثبت انك سويت الموتر عنده فاتوره مثلاً ارجع له بكرره 
اطلبه فاتوره ولا تجيب طاري السياره ولاشي
ولايردك الا القسم واثبتها عليه بالفاتوره 
وبإذن الله انهم يعطونك حقوقك كامله 
وحتى لو قال رجع السياره ازينها لك
قول لا ابغى فلوس الخساره 
وفلوس الدباات اللي عذربتها 
وزي ماقالوا لك الاخوان ودها مركز متخصص 
والله ييسر لك امرك ويزين لك موترك 


up 1 down 2
ابو عناد القحطاني 56
قبل سنه و 4 شهر



انت تخليه يلعب ويستهتهر بموترك وانت تتفرج ويوم طلح الفاس بالراس تجي تتبكا 
تستاهل ماصارلك ماجاب لنا النصب ولى  قامت العمال تاكل جيوبنا الى امثالك


up 2 down 11
hart90 30
قبل سنه و 4 شهر



شف كل الي ردو عليك قبلي قد انصب عليهم من الورش ومو انت اول واحد ولا اخر واحد بس حاول تجيب حقك منه على الاقل يرجع الي اخذه حق شغل يده بما ان شغله ماصلح السياره الي


up 0 down 2
Pro rare 448
قبل سنه و 4 شهر



اولا المفروض تشوف اكثر من ورشة عن تشخيص المشكله و تتفق معاه اذا ما تصلحت ما يشوف ريال و اذا رفض شف غيره لانه بيجرب عليك
ثانيا المفروض ما يوديها محل الشكمان الا معك و تقدر تمسكها عليه عند الشرطة انه طلع السيارة خارج الورشة بدون اذن صاحبها
ثالثا اي مكان تصلح فيه خذ فاتورة مسجل عليها كل حاجه تمت عشان تضمن حقك


up 1 down 1
white_heart2 -44
قبل سنه و 4 شهر



وعليكم السلام
((وديتها ورشة تركي نصاااب فحصها كميوتر قال عندك 8 حساسات منها الكام شفت الكرنك شفت حساس الزيت وحساس الطرنبة ))

اخوي بالعقل كيف 8حساسات تخرب مع بعض !!

ممكن الفحص يطلع عنده اكثر من حساس لكن المشكلة تكون من حساس واحد او اثنين مو 8 وبوقت واحد !
المفروض من سمعته قال 8 حساسات تركته ياخي فيييه مليون فحص غييره بعدين تقولو وهذا اقتباس من كلامك

((المهم ياخوان شريت كل الحساسات معدى ال حقات القير قالي لاتشتريها انا بضبطها ))
ياخي شريت كل الحساسات خله يركبها ليش تواقف على كلامه ويظبطها وش يظبط ! مادامه بيظبط ليش تشتري !

مشكلتنا اول مانسمع انا ابظطها انا اصلحها اتركها يوم وراح اظبطها نفرررح ونترك الموتر يلعب فيييه على كيييفه
المشكلة انت تركته ينصب عليييك براحته والمفروض يوم حصلت الموتر عند محل شكامين دقيت على الشرطة لييه يطلع بالموتر
بدون مايعلمك
ولو يسوي مصيبة بالموتر تجي عليك

الان مدري الشرطة بتفيدك ولا ولا؟؟
لكن خذ من السالفه درس إذا جيت تفحص افحص عند اكثر من ورشة ولاتترك الموتر وانت ماتدري وش بيسوي فيه
وإذا فيه قطع خربانه جيبها ووقف على راسه وهو يركبها




up 1 down 2
المنطق يقول 679
قبل سنه و 4 شهر



رح الشرطة وقدم بلاغ باللي حصل كله وخله يرجع ال2000ويتحمل القطع


up 1 down 0
mohammed8989 244
قبل سنه و 4 شهر



خذ حقك كامل اشتكه
ويتحمل اللي سواه فالشكمان


up 0 down 1
نوار الوذيناني 668
قبل سنه و 4 شهر