أضف سؤال أو موضوع جديد          

مشكلة بسيطة بالاسكاليد تكلف 2500 ريال

up 1 down 2
xxالعنزي 502 xx 260
قبل 2 سنه و 3 شهر



السلام عليكم وما خاب من استفسار
عند اسكاليد ٧ المشكلة من اول ما شريته
كذا شهر شفت الحرارة تزود فوق النص للخط
الي بعد النص وترجع طبعا فقط لما اطفي المكيف
بعدها بوقت واول ماتدخل الصيف السيارة صارت
نشغل المراوح بكامل سرعاتها لما اشغل المكيف
والحراره تمام بس فحائ طفت المراوح مارتفعت
للحراره ونزلت اشوف ولقيت المراوح طافيه
وديتها ورشة وقالو كاتوات المراوح
الفني جاي يغيره لقا المكان قاعدة الفيوزات
ذايبه وبعدها اطرينا نفك الفيوزات لقينا قطع
حديد مرهما بالقاعده للكتوات المهم شال قطع
الحديد وركب الكتوات واشتغل ومشاني سنه
من شهر بدة ترتفع للحراره ومره اسمع المراوح
شغال ومره لا وتغيربا اشتريت حوال ١٣
كتوات صار الكتوات يحترق بسرعه مايكمل يوم
ويذوب طبعا وديتهعند كهربائي قال العلبه تجيبها
من الوكالة او نرهملك سلك خارحي رحت الوكالة
قالي العلبه بي٢٠٠٠ ريال والمحلات الخارجية ارخص
بي ١٥٠ ريال والكهربائي مانصحني بتشليح
هل احد مؤت عليه المشكلة وهل اقدر ارهملها
سلك خارحي ويضبط ويضل شعال







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اشتريها من التشليح افضل من الوكاله ذا رقم واحد عنده اسكاليد تشليح قطع 0598613422 ابو سليم


up 2 down 2
احمد ال الشيخ 2021
قبل 2 سنه و 3 شهر



حياك 
اذا عندك بس مشكلة كتاوت المراوح هي اللي تذوب
حله سهل الكهربائي عنده طريقتين الااولى يشبكها مع المكيف 
او يحط لها فاصل اذا شغلت المكيف تشغله معه
وباالتوفيق


up 0 down 2
باترول 2020 2382
قبل 2 سنه و 3 شهر



وعليكم السلام ورحمة الله وبركاته,

شوف اخوي عندك اكثر من حل اهم شي لا تشبك المراوح دايركت لانها لها آثار جانبية مستقبلاً, اول شي تقدر تروح التشليح وتاخذ علبة كتاوت المراوح حق الجمس هي نفسها وسعرها بالتشليح اخذتها قبل سنة ب 130 ريال, وطبعا تفحصها بالنظر اذا كان فيها اثار ذوبان يعني خربانة, وخذ معها كتاوت اصلي من قطع الغيار (انا اخذت سيمنس لونها فضي ولها سنة لا بأس بها), والحل الثاني اللي قالك عليه الكهربائي اللي هو ياخذ سلك خارجي أيظاً طريقة فعالة لاكن المشكلة هل الكهربائي بيظبطها ويظمن توصيل الاسلاك بالشكل الصحيح؟ لان شغلها يبغالها واحد فاهم. ولا تنسى اهم شي تركب كتاوت اصلي وفيوز اصلي اعتقد يجي 40او 50 امبير اذا ماخاب ظني. عموماً انا افضل أنك تاخذ علبة من التشليح وتريح راسك واهم شي شوف كهربائي فاهم.


up 1 down 0
bmw 740il 172
قبل 2 سنه و 3 شهر



اخوي سبق ان سار لي نفس مشكلتك على كابرس 2009

ماانصحك تولف لها سلك خارجي الأفضل انك تاخذها جديدة وتفتك من وجع الراس"

او خذها من التشليح وتأكد من موديل الموتر لأنها أحيانا تفرق من موديل الى اخر.


up 0 down 0
ولد الرياض 2010 751
قبل 2 سنه و 3 شهر



وقيمة علبة الفيوزات للكابرس 8 سلندر ب 1350ريال جديد طبعا من وكالة الجميح اخذتها"


up 1 down 0
ولد الرياض 2010 751
قبل 2 سنه و 3 شهر



اول شي لازم تعرف ايش سبب المشكلة
ممكن تشتري علبة ثانية و تذوب مرة ثانية 
الأفضل تفحص الضفيره و تتأكد من عدم و جود تماس


up 1 down 0
ameen ghanoum 165
قبل 2 سنه و 3 شهر



بدله قاعدة جديد او مستخدم نظيف انتبه تشبكه دايركت الكتاوت الخارجي لازم كتاوت وفيوز واسلاك شركة جودة ومقاسات معينة شغل السباكين ابعد عنه اقل خطاء يسبب لك مشاكل في خطوط طالعة من الكمبيوتر الى علبة الفيوزات
وتءكد من الافياش الي تركب في قاعدة الفيوزات مافيه لوس او حرق نصيحة 2500 ولا تخسر بعدين حريق او التماس او تطفي المراوح وترتفع الحرارة احسبه صح


up 0 down 0
مركز الصيانة 32
قبل 2 سنه و 3 شهر



قطع اليوكن الدينالي نفس قطع الاسكاليد على كلام الموظف بالوكاله

ويقول 95% من قطع اليوكن العادي والتاهو تركب على الاسكاليد

تاكد وشوف

يمكن ارخص بالوكاله والتشاليح من الاسكاليد


up 1 down 0
ابوخالد1397 2432
قبل 2 سنه و 3 شهر



لازم تعرف وش السبب اللي خلا الكتاوت تذوووووب . . . . . .
أحسن من إنك تشتري علبة كتاوت جديدة بـ 2000 ريال ثم أسبوع أسبوعين . . . .
وماتدري يمكن ترجع نفس المشكلة وتكون أحرقت ألفين ريال على الفاضي . . . .
فلازم تحل المشكلة من رأسها مثل مايقولون . . . .
فلذلك شيك على الدينمو . . . .
وشيك على كهرباء السيارة كلها وحتى وإن كان مالها دخل بالمراوح . . . .
طبعاً وهذا يلزم ( كهربائي فنان ) . . . .


up 2 down 0
خارج الوسط الرياضي -5
قبل 2 سنه و 3 شهر