ماحصل لي في احدى المرات في معارض النسيم والشريطية النصابين
74
31
إضغط هنا للإخفاء
السلام عليكم
حياكم الله يا اخوان
يا اخوان كنت متوجه للمعارض ابي ابيع سيارتي لاني ماقد دخلتها المعارض واول دخول لي بها
طبعا ً دخلت المعارض واستغربت الي حاصل
ياشباب المعارض فااااااااااااااااااااااااااااااااااااااااااااااااااااااااااااااااااااااااااااااااااااااضيه (يمكن بسبب العج )
مافيه غير القرنبعات بالحراج للتصريف فقط
المهم جلست ادور ادور عل وعسى القى زبون ..؟؟؟؟
مالقيت كلهم حقين الحراجات
في اخر لفه لي قلت ادخل الحراج ( رغم اني في راسي الي يدخل سيارته بالحراج يعني السياره منتهيه لكن وش اسوي المعارض فاضيه وقلت اشوف يمكن تجيب سعر )
دخلت وتجمعوا علي تجمع الله لايورييييكم ههههههههههههههههههههه
ويجيك شايب ( من جنسية غير سعودية ) لن اذكر الجنسيات نظراً لان الموضوع بعيد عنها
ويقول كم سيمت ؟
قلت مدري لقيت المعارض فاضيه ولا ماودي ادخلها الحراج
قال ب 3 تبيع قبل اسبوع محرجين على وحده ب3
ضحكت بوجهه ومشيت
الى يجيني واحد من الجهه اليسار ... ويقول كم سيمت
وشوي يجي من اليمينن
المهم خفت وحطيت الجوالات بجيبي قلت بس ناوين يسرقوني خخخخخ
ومنا ومنا قلت يلا وروني سوماتكم دامكم شرايين ؟؟
جاك الاول ويقول كدلك وخرابات و و ووو قلت طيب الصابونه اغلى ؟؟ قال ايه الصابونه اغلى
قلت كم الصابونه ؟؟
قال ب 12 النظيف
قلت هذي هي صابونه بس بدي كدلك ومافيها اي فرق من ناحية المحركات وهذي افخم
وسكت وقال شكل هذا فاهم وجلس يعزز لواحد سام ب 5
وشوي قلت لهم لا لا
قال يارجال الخمسه بجيبك الحين
قلت ياخوي وخر ابرجع البيت ذبحني العج وسوماتكم الي تجيب المغص
وشوي قال ياخوي عندي وحده ب 4 الاف ما انباعت
هنا تبدأ القصه المشوقه هههههههههههههههههههههههههه
قلت ب 4 الاف كاديلاك فليتوود ؟؟
قال ايوه نفس هذي
قلت شغاله تمام ؟؟؟
قال شغاله وكلش عالفحص الا المكيف خربانوانت عارف قطع الكاديلاك غاليه (لازال مصر اني ماافهم بالسيارات وانها قطع الكابرس لكن ركزوا عالجمله السابقه لان لها علاقه بنهاية القصة )
قلت ماعندي ايي مشكله معي كومبريسور مستعمل بالشنطه يلعن ام الفله ودني لها ههههههههههه
قال طيب توديني لها ؟؟؟ ( يحاول يتهرب )
قلت اررركب ثم صرت شراي الحين مو بايع (فعلا كنت ناويها اقسم بالله )
قال دقيقه اكلم الي معه السياره ... قلت اركب عن العج وانا اخوك
قال لحظه بشوفه
شوي جلس يقول جاسر وين سيارتك هذيك ؟؟؟ (بدا يصرف )
وشوي سكر من المكالمه وقال بالصناعيه
قلت اركب اوديك الصناعيه
قلت وين ؟؟ قال بالصناعيه القديمه .. قلت اوديك لو صناعية حايل ياشيخ بس امش ههههههههههه ( تحجير 2011 )
المهم جو اخوياه يعززون له وقالو يارجال لاتاخذها وماتسوى 4 الاف و و و و و و
قلت لا دامها شغاله ابييييها عندي مثلها واعرفها
قال بس ترجعني ؟؟؟ قلت ارجعك مكان مانزلتك ارررررررررررركب
المهم الاخ ارررتبك وركب معي
شغلت المكيف وسكرت القزاز وانطلقققت
وهو سااااكت
شوي وحنا بنص الطريق
قال السياره بالصناعيه يبغى لها شغل
قلت مافيه مشكله اهم شي تمشي ههههههههههههههههه
وشوي جلس يلف قال خليني اخذ وصف الورشه
قلت خذ راحتك اصير لك تكسي ياشيخ دام عندك مثلها ب 4 الاف ههههههههههههههههههههه
وشوي وانا توني بديور اطلع من المعارض
الا يقول سيارتك هذي رودماسترصح ؟؟؟
عطيته نظره @@
قلت وشو ؟؟
قال هذي رودماستر صح ؟؟
قلت وش تشوف ؟؟؟؟؟؟
قال مدري
قال هذيك رودماستر
قلت لاااااااااااااااااااا ياشيخخخخخخخخخخخخخخخخخ وشعار الكدلك الي في كل محل وقدامك عالكبوت مو مالي عينك ؟؟؟
والمشكله لو تشوفون انه قال قطع ال(كاديلاك ) غاليه
قال لحظه خليني اكلمه
قلت كلمه كلمه ماعندي مشكله
صدقوني مااكلمه لني ماسمعت الا صوت زر واحد بس هههههه
يعني جلس يكلم نفسه
وقال سيارتك وشهي ........ بيوووك ؟؟؟
قلت طيب ليش ماقلت لي من اول ..؟
قال آآآ{{لألأأأألألأ[أأأأأ يعني تلعثم
المهم رجعته ورجعت عند اخوياه
وقلت خويكم ماهو رجال ولا هو عند كلمته
ومن لحظتها اختفى ولا عاد شفته
طبعا المقصود من الموضوع اني كنت فاااضي ولا ني مستعجل عالبيعه
وسوو نفسهم بيلعبون علي انا وانا دامني فاضي قلت خلني اطقطق عليهم شوي
وطيحت وجه هالشريطي بمعنى الكلمه وفشلته قدام اخوياه لانه حاول ينصب على الي اذكى منه هههههه
خلاصة الامر
الي يقول لك لقيت سياره ب ارخص او عندي سياره ب ارخص قل له اركب ورني اياها
اتحداك يوافق
ليتني ماخذ منه شي عشان مايرجع بكلامه رغم اني عارف خخخخخخ
ادري اني قصيت قصة حياتي بس وش اسوي فاضي والمعارض فاضيه بسبب العج ولا بعت يعني مخطط ابقى للمغرب بالمعارض لكن ما فيه احددددد
إبلاغ
الردود
والله انك عبقري
خطير انت ,,,,
أحلى شي يوم قالك رود ماستر
شكله شاف كلمة رودماستر على المسجل
هههههههههههههه
خلاص لو نويت أبيع بكلمك نروح مع بعض
;)
0
0
قبل 9 سنه و 6 شهر