أضف سؤال أو موضوع جديد          

مراوح اسكاليد ماتشتغل على النص الحل يااخوان

up 3 down 1
xxالعنزي 502 xx 260
قبل 2 سنه و 10 شهر



السلام عليكم 

من اسبوع والحراره تعدي للخط الي بعد النص وتشتغل المراوح وترجع للنص وشوي ونفس السالف 

المشكلة تقريبا طلعة اول مادخل البرد وانا ملاحضها قبل كان اذى وصل عند النص اشتغلة المراوح 

مدري هل هذا طبيعي ام مشكلة  والمشكلة الثانية عندي لمبة المكينة مولعه هو ولمة الي فها مثلث وجوتها سيارة 

اعتقة حق مانع الانزلاق وفحصته يقولي الثرتوله وحساس الكرنك 

غير كذا اسمع صوت تكتكه في المكينة الصبح وتروح مع المشي بعد مدة وبعض الاحيان تقعد واجد 

كنت اركب زيت 20 على 50 شل وبعدين غيرة الى توتل 10 على 30 لاكن الصوت لسع موجود لاكن اخف 

المديل 2007  

ودمتم بود 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الافضل للمكينه زيت 5W30 لموديل سيارتك وعند الزيت موجود بالوكاله سعر العلبه 25 ريال والزيت تقدر تمشي عليه 10 الاف لكن انتبه للنقص 


up 2 down 1
abdulaziz al-malki 965
قبل 2 سنه و 10 شهر



ياليت لايك يااخوان ودي احط موضوع

مع الاعتذار اخي صاحب الموضوع


up 8 down 1
سند10 1158
قبل 2 سنه و 10 شهر



التكتكه من نوع الزيت اللي استخدمته ..

وصوت التكايات اللي طلع عندك ...

اغلب اصحاب الجمسات ومن ضمنهم انا و انت وقع في خطأ كبير 
وهو نوعيه الزيت 50w20  تبغئ تخرب مكينتك استخدمه ...

انا غيرت التكايات وبعدها استخدمت زيت 30w 5 وإلی الان السياره ماشاء الله ممتازه جدا ولله الحمد 


up 2 down 0
sehly11 643
قبل 2 سنه و 10 شهر



غير الزيت بترومين a1 نصيحه انا موتري اسكاليد 

واذا ماراح الصوت فهو من الطرمبه ونصيحه ثانيه اذا بتحافظ ع مكينتك فغير الطرمبه كل ١٠٠ الف والزيت مثل ماقلت لك 

والمراوح تاكد من الفحص السرعه العاديه مو شغاله عندك اكيد 


up 0 down 1
جـرآح 172
قبل 2 سنه و 10 شهر



بالنسبة للمراوح شكلها ما تشتغل الا مروحة وحدة او السرعة الثانيه فقط 
وعشان تتأكد شغل السيارة لما تكون باااارده وناظر المروحة 
الطبيعي المروحة ما راح تشتغل حتى توصل الحرارة النص او قبل النص 
اذا ما اشتغلت المراوح والحرارة على النص اعرف انه عندك مشكلة في المراوح او حساس المراوح او مشكلة برمجة 
بالنسبة للتكتكه حاول تعود نفسك على الصوت واذا مرره مكدر خاطرك غير التكايات بس ترى الصوت ما يضر 
لانك حطيت زيت ثقيل والتكايات صارت تطلع صوت وزيت 10w30 كويس خفيف ويتحمل الاجواء كلها ان شاء الله 
 الطرومبة سليمة ان شاء الله اذا ما طلع لك في الطبلون ضغط الزيت منخفض اطفئ المحرك يعني الطرومبة سليمة وشيك على ضغط الزيت في الطبلون
لمبة المكينة افيدك في الثروتل بس
سيارتك ما شاء الله لها 7 سنوات تقريبا فاكيد البوابة او التروثل تلقاه وصخ فك التروثل سهل بس يبغاله واحد فاهم 
والفك يكون والسيارة طافيه والتروثل يكون برى السيارة يعني التروثل ونظفه  العزم راح يزبط معاك بعد
لمبة مانع الانزلاق انت غيرت المساعدات من هيدروليك لعادي او العكس
في اسلاك تحت المقعده جاتها مويه شي انقطع عليك سلك تحت المقعده أكلت لك حفرة ولا مطب  



up 0 down 1
ms3al 1608
قبل 2 سنه و 10 شهر



ركب نفس الزيت الموصى به من المصنع 5w30 مكتوب بعد على غطاء المحرك
اي نوع اهم شيء اللزوجه
١ ايسي دلكو (ديكسوس )
٢موبيل ون
٣شل هليكس 
٤فوكس تيتان سوبر سن 
 
افحص كمبيوتر وشف وش مشكله مانع الإنزلاق (التراكشن )
الحراره أبدا بالأرخص  حاول انك تفرغ ماء الرديتر كامل وتاخذ ماء رديتر اصلي جالون ٤ لتر GM و ٤ علب ماء مقطر وليس ايسي دلكو
مازانت معك
شغل الموتر وهو بارد الصباح وفك غطاء الرديتر وشف تتحرك مويه الرديتر اذا تتحرك يعني طرمبه الماء شغاله 

وبالنسبه للمبه التراكشن كانت تظهر لي وسويت لها وزن اذرعه اماميه وضبطت معي  ولا عاد طلعت 
بس افحص كمبيوتر اول 
وبالتوفيق 



up 0 down 0
al 3oomda 75
قبل 2 سنه و 10 شهر



الحق عمرك غير الزيت بأسرع وقت نصيحه 
20w50 مكتوب في الكتيب مربع صغير تحذير عدم استخدام زيت بلزوجه 20w50
اغلب الجموس تخرب طرمبه الزيت والسبب استخدام زيت ثقيل 
حيث ان الطرمبه ماتوزع الزيت على جميع أطراف المحرك لثقله 
نصيحه الحقققق على المكينه
وخلك من السباكين اصحاب البناشر اللي يقولون مررره خفيف ويتبخر
يفكرون ان هم ومشورتهم افضل من الصانع
خذلك كرتون ب ٢٥٠ فيه ١٢ حبه حقت تغيرتين 
وان شاء الله أمورك بتزين
تحياتي للجميع 
 



up 0 down 0
al 3oomda 75
قبل 2 سنه و 10 شهر



وعليكم السﻻم ورحمة الله وبركاته
اخوي عندي نفس موترك بالظبط وبعطيك العلم، زيت المكينة اغيره كاسترول ماجنتك العلبة الخضراء لزوجة 5w30 اشتريه من الجملة الكرتون ب 250 والحمدلله ﻻ اصوات وﻻشي، اهم شي ﻻ تحط لزوجة ثقيلة.
لمبة مانع اﻻنزﻻق اما انك حولت المساعدات الى عايدي او عندك واحد من اسﻻك ال abs المرتبط بالفلنجة مفصول
بخصوص الثروتل اذا لك سنتين ما نظفته نظفه ﻻكن ﻻزم عند واحد يبرمجه بالكومبيوتر ركز بالكومبيوتر ﻻنه موديل 2007 وفوق ما يظبط بفصل البطارية او غيره ويكلقك مع البرمجة حول 200 الى 250 بالكثير.
المراوح افتح الكتاوت وشوف اذا فيه واحد حرارته اعلى من الباقين غيره بنفس النوع وان شاء الله تظبط معك
عندك حساس الكرنك لو فعﻻ خربان المفروض السيارة تطفى معك على فترات متباعدة.
بالتوفيق.


up 1 down 0
bmw 740il 172
قبل 2 سنه و 10 شهر



اخ bmw اولا يعطيك العافية على الافادة وجعلها الله في ميزان حسناتك ان شاء الله 
بغيت اسألك لا هنت ممكن تفصل لي بخصوص حساس الكرنك لان الوالد يكلمني يقول لا اكل مطب السيارة تطفي واذا هدا السيارة تطفي
هل تتوقع ممكن يكون حساس الكرنك 
هذا اولا 
ثانيا بخصوص تنظيف التروثل انت متأكد مافيه حل غير البرمجة 
مشكلة كل ما انظف التروثل لازم ابرمج 



up 1 down 0
ms3al 1608
قبل 2 سنه و 10 شهر



حياك الله اخوي ms3al
حساس الكرنك قد خرب عندي على بي ام واللي فهمته من خرابه ان السيارة لما تطفى تشتغل بصعوبة واحيانا بعد فترة يعني نفس اعراض طرمبة البنزين باﻻظافة الى تقطيع عالسرعات العالية..
ﻻكن اذا سيارتك تطفى ولما تشغلها تشتغل معك على طول انصحك تجرب تنظف الثروتل مبدئيا وهو السبب غالبا.
مﻻحظة/ اذا نظفت الثروتل وما ظبطت معك وانت شاكك بحساس الكرنك ما يضهر معك اﻻ بفحص الكومبيوتر في 6 و 8 سلندر ﻻن اعراضه نفس اعراض طرمبة البنزين كما ذكرت سابقا اما سيارات 4 سلندر تفصل كويل 1 و 4 وتشغل وتشوف الشرارة الطالعة
اما بخصوص الثروتل للجموس اﻻمريكي واﻻسكالد من 2007 وفوق ﻻزم برمجة بجهاز اسمه تيك ﻻن عداد الظغط يعلق على 3 و قد كنت بجيب العيد بسببه ﻻن ما تقدر تسيطر ع السيارة وممكن تصدم ﻻ قدر الله. اما باقي السيارات اغلبها تبرمجها بالبرمجة المعتادة بفصل البطارية اﻻصبع السالب قبل التنظيف وبعدين تركبه وتظغط ع الدعسة 3 الى 5 مرات وبعدين تشغل وتتركها شغالة حق 10 دقايق بدون مكيف ثم حاول تمسك خط ابو 50 كيلو وتتبرمج على طول
اتمنى اني افدتك ولو قليﻻ واي استفسار انا حاظر.
وانتبه تنظف الثروتل وهو راكب ﻻزم تفكه خارج السيارة.



up 1 down 0
bmw 740il 172
قبل 2 سنه و 10 شهر



حياك الله اخ bmw  انا فحصت موتر الوالد قبل شهرين او 3 لان عنده لمبة المكينة والعه فحصتها بالobd وكانت عنده مشكلة كهرباء 
مشكلة الكهرباء بسيطة مجرد اصباع بطاريه ونظفته عند البيت مشكلة التشك انجن حاولت افك التروثل وانظفه جايب البخاخ والعده وناوي افكه بس كان غطاء المكينة عائق والحمدلله ما فك معي
لاني بعدها سويت بحث ولقيت كثير يشتكوا من ارتفاع الاربي ام بعد تنظيف التورثل 
وبرضوا لقيت طريقة امس بعد ما قريت ردك عن طريقة اعادة البرمجة 
وكانت الطريقة على فولفوا الي هي تفصل اصباع الموجب والاصباع السالب وتلمس الاصباعين في بعض وتزبط الدعسة 
ولقيت اكثر من مقطع عن طريقة التنظيف يذكروا فيها انه الدعسة تعلق بسبب انه طريقة التنظيف تكون غلط الي هي بعضهم يفك الدعسة ويضغط على البوابة بيده بقصد انه يفتحها يدويا وهذا السبب الي يخلي الدعسة تعلق 
وبالنسبة للان السيارة تطفي انا شااك بالطرومبة حقت البنزين 
بس والله الطرومبة غاليه 
اذا في المواقع القاها ب700 و800 ريال ربعنا بكم يبعونها 
واكيد اني بفك التروثل وانظفه خارج السيارة بس ننتظر الضوء الاخضر من الوالد وبعدها نشتغل في الموتر براحتنا 


up 1 down 0
ms3al 1608
قبل 2 سنه و 10 شهر



والله شوف يا غالي ما اعتقد ان الطرمبة عندك خربانة لانها لو خربانة وطفت عليك السيارة ما تشتغل الا بعد ما تبرد يعني فوق النص ساعة عندك كيف تشتغل على طول بعد ما تطفى؟ وتقدر تفحص ضغط الطرمبة وتتاكد منها لازم يكون بين 45 - 60. 
انا نسيت أسالك عن نوع وموديل سيارتك, لو هي جمس من 2006 وتحت اقلك نظف الثروتل بيدك ( مع مراعاة مكان التنظيف حاول يكون بشارع قريب من خط وفاضي عشان تمسك خط على طول بعد التنظيف لان احيانا البرمجة لحالها ما تنفع) اما لو كان 2007 وفوق انتبه تقربه روح عند ورشة وادفع عليه ولا يصير شي بموترك لا قدر الله.
لو تذكرلي موديل السيارة يكون افضل + المعذرة على التاخير بالرد.


up 0 down 0
bmw 740il 172
قبل 2 سنه و 10 شهر



السيارة يا غالي افلانش 2007 


up 0 down 0
ms3al 1608
قبل 2 سنه و 10 شهر



اجل زي ما قلتلك انتبه تنظفه بيدك؛ شوفلك ورشة ينضفوه مع البرمجة وان شاء الله تروح المشكلة خاصة موترك 2007 يعني استبعد خراب الطرمبة لان الجموس من 2005وفوق انحلت مشاكل الطرمبة.
وبخصوص لمبة المكينةدائما اما حساس شكمان او بلف هواءالتانكي ولا منهم ضرر؛ وبطريقك شيك على دبات التلوث اذا موترك وارد امريكي احتمال تكون مفرغةوبسببهامولعة لمبة المكينة.


up 0 down 0
bmw 740il 172
قبل 2 سنه و 10 شهر