الطريقه الافضل لشراء سياره مستعملة
4
2
إضغط هنا للإخفاء
عند شراء سياره عليك بالفحص ولازم تهتم باشياء كثيره بذكرها باختصار :
١-البودي : لازم يكون نظيف ووقفته السياره حلوه ومايكون فيها حكات كثير او صبغ غير متناسق .
٢-المكينه : تفحص بالكمبيوتر وتشوف حالتها وايضا لو تمر اي ورشه وتطلب من المكانيكي ينزل ويشيك السياره من تحت لايكوون فيها ضربه بالشاص او تهريب زيوت ويفضل ماتكون السياره مغسوله من تحت عشان يبين لك وخله يشيك حالة المكينه هل تطلع دخان او صوت خلل وخله يشيك المساعدات والدبل ان وجد .
٣-الكهرباء : تاكد عدم تزويد السياره باسلاك تاثر على الكهرباء مثل الزينون وغيره لانها تاثر احيان وحاول تشيك بنفسك ان كل الاجهزه شغاله من نوافذ وفتحات تكييف واضاءات وعدم ضعفها عند تشغيل المكيف مثلا .
٤-المنظر العام : ابحث عن نظافة السياره من شكل الزبون ان كان مهتم بسيارته مثل رجل كبير والعكس كان مراهق وابعد عن سيارة المراهقين لاتكون مكروفه احيان .
٥-التجربة : سوق السياره على سرعة ١٠٠-١٢٠ وتاكد عدم وجود هزه او اصوات ديكور او تنسيم وركز حتى على صوت الكفرات ان كانت تعبانه بيبين معاك صوت ونه وقد يكون من الدفرنس او القير والفرق بينهم تعرفه لما تفك رجلك عن البنزين يروح صوت الونه هنا تعرف انه دفرنس .
٦-الصيانه : اسال راعيها عن صيانه السياره وكل كم كيلو يغير الزيت وكم لها معاه عادة السياره اللي لها مده اكثر من سنتين تكون استخدام اما اذا قالك شهرين انتبه قد يكون فيها عيب وتورط فيها ويبي يبيعها والله اعلم
الكلام عن الفحص يطول ويفضل وجود شخص معاك عشان يلاحظ اللي ماتلاحظه لوحدك والله يوفقك يارب
والاخوان بعد اتمنى لو غفلت عن شي تذكرونه عشان يستفيد الجميع وبالله التوفيق
إبلاغ
قبل 8 سنه و 8 شهر