.....................

طبعا الكلام كله بورش شارع الاسكان بجده ..

والله يا راعي الاعلان اني عانيت منهم لين طابت النفس
ياخي مواقف كثيره حصلتلي والله وتسمع ارقام تخوف وبالأخير يطلع الموضوع تافه
وأغرب موقف صارلي كان من 9 سنين تقريبا ما أنساه هالموقف والله ،،
كنت توي شاري ماكسيما فل 2002 ومبسوط فيها
وكانت ماشاءالله نظيفه ، ومكيفها ثلج ..
وما كملت معي 10 ايام او اسبوعين تقريبا وطلعتلي مشكلة غريبه !!
اذا مشغل مكيف بعد فترة تطلع مويا من عند مكان الأرجل وانت بكرامه ، يعني اذا ماشي ولفيت يمين تكب جهة السايق
واذا لفيت يسار تكب جهة الراكب ، واروح ورش أم الحمام وكل واحد يفتي من راسه ، الي يقول إلغاء اللي الحار
والي يقول تنظيف ثلاجه وتزييت كمبروسر مع تعبية فريون ، لين واحد صدمني وقال ثلاجة المكيف منكسره من جوا ويبيله تبديل وقطعها ايامها كانت نار المكس ومدري كيف اقنعني وصدقته وطلعت من عنده متحطم
وسبحان الله وانا طالع من الورش عيني طاحت على آخر ورشه كانت بالصناعيه عليها علامة نيسان
قلت خلني أسأل هذا آخر واحد ، ودخلت الا القى واحد باكستاني فاهم
رفع السيارة وقاعد يناظر تحت الا أشوفه سحب مسدس هوا ، وينفخ على فتحة التهريب حق موية المكيف والمويا كلها تطلع
الفتحة كانت منسدة بتراب ووسخ واوراق شجر مدري كيف المهم عطيته 20 ريال ويستاهل أكثر والله ..

فالطباخين في الورش كثير والله والواحد لازم ينتبه
واعذرني على الاطاله اخوي ...

اكثر العاملين با الروش بدون شهاده مكيانيكا او كهرباء يجي من بلده يتدرب على سياراتنا 
علقت مروحة السياره ولفيت ع كم ورشه كلهم قالو لازم مروحة جديد سعرها 600 
وطلعت المشكله حساس المروحه ب120 وخرب عندي المكيف مايطلع هوا وقالو حساس الهوا واشتريه ب270 
ولازبطه طلعت من مورحة الثلاجه الداخليه خسرت حوالي 380 

اغلبهم يشوف المشكلة ويدري وش الخراب بسيارتك
بس هم يسوون كذا عشان ياخذ فلوس اكثر واكثر
حسبي الله عليهم
ولذا احيانا تطيح بواحد فيه ذمة ويخلص الشغلة بفلوس
قليلة

ونصيحة للجميع لاتغركم ديكورات الورش الفخمة
ونوع العمالة 
اذا تعطلت سيارتك مر اكثر من ورشة 
لين تقتنع وبعدين اشرط علية ولاريال وقلة راح
ادفعك قيمة القطع اذا ماظبطت السيارة
واللي اول شرط اخرة نور

وباالتوفيق

ياشباب اغلب حقين الورش يقولك على الي جربه وصلحه قبل ، مثلا الاخ فيكي فوق بخصوص خراب المكيف سأل جميع الورشات وكلهم شطحوله بالسعر والخرابات و اخرتها طلع فتحه منسده حقت مكيف  وعرفلها ونظفها الباكستاني علطول ، ليش لان الباكستاني مرت عليه زي المشكله ذي من قبل غير الورشات الثانيه الي ممكن ما مرت عليهم او يكون المكانيكي مبتدىء ويعطيك اخر تصليحه صلحها قبل على حسب خبرته ويشطحلك بالسعر والقطع، ولا هين فيه منهم الي ما يخاف الله 

الورش توافيق وخصوصا اذا ماتعرف ورشه كويسه او سبق تعاملت معها يكون الشغله اصعب همهم فقط الربح المادي ولايقهرني الا لمن يجيهم واحد من نفس بني جلدتهم يصلحون سيارته باابخس الاسعار والقطع اللي نشتريها حنا من بخاخ wd وقطع اخرى من غراء كارتير ياخذون بقايا هل الاشياء ويصلحون بها سيارات خوالهم واصدقائهم وكل من يعز عليهم غير قطع الغيار الاصطبات بالسمكره يبيعونها على بعض ويركبونها ويلفقون لها قزاز بالغراء البارد وشغل شدلي واقطع لك ولاحسيب ولارقيب

مايبون غير استنزاف جيوبنا 
كان معي بليزر 2006 بدبل وشغلت الدبل الثقيل واكتم الدعسه كلها من الصفر 
وصل 80كم والسيارة اختلفت قطعت الدعسه وماقدرت امشي فيها اشتغلت لمبه المكينة ولمبه زي لمبه المكينه داخلها سهم لتحت ولمبه التراكشن 
والمكينه ترجف رجف مو طبيعي قفلت السياره وفصلت أصابع البطاريه ورجعت ركبتها واشتغلت تمام التمام وكل بعد فتره ترجع نفس المشكله 
رحت عندي واحد تركي قال توضيب قير مافيها كلام ب 8000 ماقتنعت رحت للصناعيه اللي بصاري صراحه شيء عجيب فحص السياره كمبيوتر طلع حساس الهواء اللي يالفلتر المهم جبت له الحساس وبواجي وتصفيه مكينه ورجعت السياره وكاله ولا فيه شيء لا القير ولا الدبل 
فنصيحه ياشباب ماتقتنعون بكلام السباكين والنصابين بغى يأخذ التركي 8000 والسالفه كلها ماوصلت 700بالحساس وتصفيه المكينه 

اشهد بالله نفس الي جاني بضبط حتا اني بقيت اوضب القير عشان النتعه ويوم اني رايح اوديه الورشة قلت خلني اوقفه عند مكانيكي لعلا وعسا المهم 

طلع فلترالزيت حق الوكالة متغير من وكتها غيره وغير الفلتر ووراحت النتعه وقالي الحساب 300 واعطيه 500 وفكني الله من ذوكي النصابين 

وكان عند ي مشكلة في الحراره ونزلة عنها موضوع و وكل واحد يدلي بدلوه الي يقول كمريسر وال يقول رديتر والي يقول مراوح 


المهم اخر شي طلعة فيوز المروحه العالية عليه ترسبات ولا يشتغل مضبوط وقالي انضفه ويرجه زي اول وانا اجيبله جديد اضل والحين افضل مايكون