أضف سؤال أو موضوع جديد          

استفساار ضروري مستعجل عن اسكاليد_دينالي

up 0 down 0
جـرآح 172
قبل 3 سنه و 9 شهر



السلام عليكم ورحمة الله وبركاته
اسعد الله اوقاتكم بالرضى والسعادة

شباب نويت اشتري اسكاليد 2008 لكن فحصت قالي القير بالريوس ضعيف 
يعني يتاخر شوي 
وديته فحص البيان قالي شريحه القير لازم تغيير 
و وديته شلنجر قالي يمكن برمجه واذا مو برمجه فهو خراب بالقير 

تعشيقاته قدام كلها تمام بس الريوس اللي يتاخر 

وهالمشكله وسوست فيني 

اللي له خبره يفيدنا لاهنتم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مبروووك مقدما

الله يعطيك خيره و يكفيك شره 

نصيحتي اخوي انتضر شوي عشانه بينزل لان الشكل الجديد نازل من زمان

و المشكلة يفيدونك الاعضاء ان شاء الله

( الله يجزاكم الجنه عطوني لايك ابي اوصل 5 نقط لان عندي مشكلة و لازم اسوي موضوع )

و الله الموفق (:


up 9 down 2
khalid1555 26
قبل 3 سنه و 9 شهر





كل من بغا نقاط قال عطوني بفتح موضوع ولانشوف شيء اسعار الشكل القديم نزلت خلاص 

احسن شيء شف الوكالة وش تقول ماعليك من الباقي


up 1 down 1
shecoo 551
قبل 3 سنه و 9 شهر



انا معي اسكاليد 2008 .. اول شي ترا كلهم طباخين والله نااااااااااااااااااااادر الي يعرف له بالورش ..
ثاني شي شريحة القير لحالها قيمتها 3 آلاف ولو القير خربان يكلف توظيبه مابين 10 و 13 الف ..

الزبده انحششششششششششششششششششششششششش ودور النظيف حتى لو غالي
لان حتى هذول الي رحت لهم لا جا الجد واشتغلوا فيه مابيعرفون له بيصلحون الي قالوا لك وتتفاجئ ان المشكلة لسى فيه ..
ونصيحة شوف هذاني اقولك اذا زيت القير قديم ومحروق الافضل ماتاخذه .. وان كانك صامل واخذته اسال قبل ماتغيرهى لانه ممكن تغيره ويخبط القير..




up 3 down 0
thlolb 1
قبل 3 سنه و 9 شهر



وش حادك على سياره يتاخر فيها الريوس ثمن تبلش فيها ويطلعلك توضيب ووجع راس انت في غنى عنه !!


up 0 down 0
majed112345 857
قبل 3 سنه و 9 شهر



^ انحش عنه الحين لاجيت تفحص قير سيارة تماتيك 
اول ماتجرب الريوس لاصار يعطيك على طول يعني القير تمام
لان اول مايخرب بالقير الريوس وبعدها تشوف مااتغير للثالث ولا 
الرابع وبعدين تعلق على اول نمره ورح دور لك قييير وشف 
كيف يصلخونك بالاسعار 


up 0 down 0
w.asa 2061
قبل 3 سنه و 9 شهر



^^
مو شرط !!
تاخير التعشيق له الف سبب وسبب 
البلف بدي وصخ ومراكم فيه الرايش والزيت المحترق بحيث يعيق حركة الزيت 
او برمجه
او طنجرة القير
يعني ماله شي معين!
زي ما قالوا لك
انحش عنه .. ليه تعذب نفسك بسيارة تشتريها وانت شايف خراب محد متفق على سببه 
بقيمه التصليح تلاقي النظيف وممكن مواصفات احسن 


up 0 down 0
ليزو 479
قبل 3 سنه و 9 شهر



الي هذا اوله ينعاف تاليه كانك مابعد شريته ابعد عنه ودور لك النظيف

موديلات 2007 و 2008 من اسواء الموديلات في السكاليد اليوكن التاهو القير 4 نمر ومشاكله واجد 

خلك من 2009 وطالع غيرو فيه القير وحلو معظم المشاكل في الموديلات السابقه والقير في 2009 وطالع 6 غيارات


up 0 down 2
mrx15 237
قبل 3 سنه و 9 شهر



MRX 15 الله يعطيك العافية القير في الدينالي والاسكاليد من موديل 2007 وطالع 6 غيارات


up 1 down 1
hussain4 780
قبل 3 سنه و 9 شهر