أضف سؤال أو موضوع جديد          

مشورتكم يالربع ضروري بشتري اسكاليد وياهل الشرقيه مساعدتكم .

up 0 down 0
جـرآح 172
قبل 3 سنه و 10 شهر



السلام عليكم ورحمة الله وبركاته
مساء الخير

يا اخوان انا نويت اشتري اسكاليد 2009 لؤلؤي ماشي 124 الف واتفقت مع الرجال بسعر 108 

والرجال والله ماعرفه لكن اسلوبه وكلامه طيب ...

الرجال يقول الموتر على الشرط افحص وين ماتبي وبسافر باكر ان شاء الله له .

___________________________________________________

يالربع وش رايكم بالسعر هل هذا سعره او غالي ؟؟

ويا اهل الشرقية .. * الخبر* ابي فزعتكم بأماكن فحص السيارات اببي فحص معروف وفحصه دقيق جددددا
انا والله ما ادل شي بالشرقية .

والفلوس وش افضل طريقة ادفعها له ؟

وكم يكلف النقل والتامين ؟

ولو لاقدر الله  والله لايقوله خيب الرجال ظني بالموتر وش الطريقه ؟

ابيكم تعلموني وتنصحوني لاني والله ما اعرف بهالامور 

وجزاكم الله خير...







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نصيحه من اخوك غالي موتر والامريكي يحط سعره 
خذ لك تويوتا 

مفروض سعره اقل ولاك الخيار 


up 4 down 7
mm.2015 150
قبل 3 سنه و 10 شهر



استخير . 
و الله يكتب لك اللي فيه خير .


up 1 down 0
fqff33 77
قبل 3 سنه و 10 شهر



وعليكم السلام  مساء النور. انتبه  لايغرك الكلام والاسلوب  والطيبة 


up 0 down 0
بريك الفهد 130
قبل 3 سنه و 10 شهر



دامك طالع الشرقية ترا سياراتهم نظيفة بالعموم حتى لو طلع عكس إلي قاله لك رح معارضهم ولا شفلك سيارات مهندسي ارامكوا


up 1 down 1
m-baz 336
قبل 3 سنه و 10 شهر



سعره مناسب

انت اشرط عليه قبل تروح ان طلع في الفحص شيء انه يتحمل قيمته والفلوس تسلمها للمعرض اذا كاش تشتلم مباشرو واذا شيك تنتظر لين يسحبونه وبيعطيك وصل 


up 1 down 0
shecoo 551
قبل 3 سنه و 10 شهر



يعطيكم العافيه 

طيب وين احسن فحص بالخبر 


up 0 down 0
جـرآح 172
قبل 3 سنه و 10 شهر



والله ما ادري وش أقول لك
بس طالما انت متخوف ولا لك خبرة
فالأفضل انك تشوف لك سكاليد من منطقتك الي تعرف فيها ورش!
أو انك تاخذ معك شخص فاهم بالسيارات وتعطيه سعي اذا كان يبي!
والسعر الي يحدده نظافة السيارة وممشاها الحقيقي
والله يوفقك


up 2 down 0
نبيل110 327
قبل 3 سنه و 10 شهر



نصيحة لك افحص في كذا محل مو محل واحد عشان تكون على معرفة بالسيارة وادعس عليها 
واتوقع تحصل ناس في الموقع تفحص لك بتشوف السيارة بدون ما تسافر لها 


up 1 down 0
تواوت 532
قبل 3 سنه و 10 شهر



يالغالى لو تلف علا الصالات أول شى تحصل أرخص ومضمون 
وإذا معزم روح لورشه سهم علا طريق أبو حدريه مو اللى بالمعارض 
وبالأخير أهم شىء الاستخارة ولا تستعجل


up 1 down 0
عميق الشمال 280
قبل 3 سنه و 10 شهر



غاااااااااااالي الموتر غالي بالحييل بالكثير واذا انت بتستخدم ولا يهمك ادفع له ٩٥ وترا قيمته بالسوق من ٨٥ الى ٩٠ اذا على كلامك الموتر مشروط 

بعدين يااخي انت تبي اسكاليد ماهي هايلوكس تقول قليل احصل نظيف اغلب اصحاب الاسكاليد تلقى استخدامهم حشمه وتلقى النظيف واجد 


up 0 down 1
أبو ناصر 62
قبل 3 سنه و 10 شهر



غالي شف هذا معلن عنه في حراج 

http://haraj.com.sa/116019749/

ماجاب له الى 85 وهو طويل موب قصير


up 0 down 0
mrx15 237
قبل 3 سنه و 10 شهر



^^

الطويل ما له سوق 

سعر هذا مناسب انا بعت دينالي 2008  من 6 شهور تقريبا ب95


up 1 down 0
shecoo 551
قبل 3 سنه و 10 شهر



يا الغالي استخير واشرط عليه من بدي ومحركات قبل الفحص وبالنسبه للفحص في محل اسمه سهم ممتاز افحص عنده موقعه مراكز الفحص امام معارض السيارات بالدمام وبالنسبه للنقل يعتمد من 350 الى400 واذا مارفعوه بعد الله يعين اما التامين يعتمد من 500 وطالع والله الموفق


up 1 down 0
عاش بو علي 497
قبل 3 سنه و 10 شهر