أضف سؤال أو موضوع جديد          

كدلك DTS ساعدووني

up 2 down 2
الكريك 176
قبل 6 سنه و 5 شهر



سلام عليكم 
اخواني معروض علي كدلك DTS 
٢٠٠٦ السيارة نظيفة بس يبغالها مساعد امامي تنصحوني بها 
ولا خرابتها كثير 
وهل قطع غيارها متورفرة 
وتنصحوني بها







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


روح شف المساعد بكم وبعدين قرر ...


up 2 down 0
siaf 348
قبل 6 سنه و 5 شهر



من جد شوف سعر المساعد بكم اول و بتعوفها 


up 1 down 0
alkathiry 705
قبل 6 سنه و 5 شهر



يبي لك قرض عشان المساعد


up 1 down 0
xpoldx 1432
قبل 6 سنه و 5 شهر



يا طويل العمر بخصوص DTS انصحك دامك ما شريتها انك تبحث عن بديل مناسب

السيارة جميلة وكاديلاك اسم معروف في الفخامة لكن مو اي احد يقتنيها. السيارة تحتاج استخدام خاص وصيانة دورية منتظمة وللأسف صيانتها مكلفة وقليل اللي يرضى يفتح كبوتها في الصناعيات والورش لانها حساسة ومعقدة.

قطع غيارها غالية سواءً الميكانيكية او الخارجية وكل ما قدم موديلها صعبت عليك مسألة توفر القطع (باستثناء المدن الرئيسية)

كان عند نسيبي وحده موديلها اقدم شوي وتبهذل فيها. اخذها رزّه ايام عزها واستمتع فيها فترة وبعدها بدت خراباتها. مره حرارة ومره بخاخات ومره برمجة ومرات ما تشتغل خير شر ومره الولد الله يصلحه سوى بها حادث بسيط واضطر يبيعها تشليح لانه عجز يلاقي نص القطع اللي اصلا قيمتها مبالغ فيها مره!

عندي صديق عمر و اعده اخ ورجل شرواك وشروى الطيبين اللي هنا. الرجل هذا كان شغال بالجميح قسم السيارات الفخمة (كاديلاك، ساب، همر) وكان يقول لي دايماً اذا بتشتري من كاديلاك لا تاخذ غير الاسكاليد، و اذكر انه دايم يحذرني من السيدان ويقول ان مكينته اسمها نورث ستار (نجم الشمال) حتى الفنيين داخل الورشة ما يقربونها الا بكتالوجات الصيانة من كثر ماهي معقدة. يقول تشتري الكاديلاك جديد بربع مليون وتبيعه بعد 6 سنين برخص التراب (تكرمون) ما عدا الاسكاليد اللي ما يفرق عن اليوكن الا ببعض الاكسسوارات الفخمة واللي دايم يثني عليها

الغرض ماهو التقليل من السيارة. المقصد انك تكون مطّلع على بعض الامور اللي ممكن تخفى عنك بخصوصها.

وفقك الله،،


up 6 down 0
المشرط 52
قبل 6 سنه و 5 شهر



اكثر كلمة تكرر اذا جاء اسم كاديلاك ( الي مايعرف للقصر يشوية ) 
الكاديلاك السيدان له مميزات وعلية عيوب ، لكن الشعب مازال مصدق الكذبة ان الكادلاك مثل الكابرس هو صح بس انتهاء هذا الكلام بعام 1997 مع اول اصدار للفليتوود
من بعدها اختلف الكاديلاك الي سيارة لشريحة معينة من مستخدمي السيارات 

ولان محركاته مختلفة عن باقي مجموعة جنرال موترز ، مثل ما تفضل اخونا  ^ المشرط
فيما يخص الاسكاليد لتشابة محركاتة ومعضم قطعه مع اليوكون والتاهو والدينالي

اما فئة السيدان مثل dts فمحركاتها مخففة من الالمنيوم (عشان الـ v8 ثقيلها ، وهذي المحركات الي من الالمنيوم برضو مثل مكينة المكسيما
ماتحب الحرارة ولا تتحملها ، لان وجود حرارة يعني شــطــب بالمكينة ، يعني غير مكينة كاملة
وسبب الحرارة ((((((( عدم الاهتمام فقط ))) والاستهتار

* اهتم بالصيانات الدورية والتشييكات واتحدى اي واحد يعيب فالكاديلاك او في غيره من السيارات الفخمة

المساعدات اكيد بتكون غالية لانها هيدروليك ( مساعدها يعمل بالزيت لتوفير الراحة والنعوم الي يمتاز فيها الكاديلاك
 كراسي المكينة فيها دايم تستهلك وتتقطع من ضغط المكينة عليها لانها دفع امامي
وتختلف عن كراسي المكينة v8 الي بالطول مثل الكابرس . واغلب مايتلفها القومات وبصراحة القومة ع v8 دفع امامي مجنون

الكاديلاك من الماركــــــــــــات الفخمة والمستهدف فيها اصحاب الدخل العالي لسببين 
1 اسم الماركة 
2 توفيرالمنتج بتقنية وجودة ، مثل الراحة والرفاهية لهذا لها حساب خاص

الكاديلاك بالعربي الي عارف هو وش قاعد ستخدم ،، مثل اصحاب المرسيدس واصحاب البي ام والاودي يتعيش معه ويستمتع فيها وتجربة لن تنسى
اما اذا حاول او فكرت تستخدم الفئة الفخمة على غير الي يناسبها مثل مايسوا اغلب الشعب عندنا كل شي ( كرررررررررف)
الكاديلاك يهز مالك هز ويعلم مستخدمة معنى كلمة ( الادب ) بالاستخدام البشري للسيارات

القطع الاستهلاكية بشكل عام فيها مثل غيرها من السيارات الفئة الفخمة ، لسبب التميز وتوفير الرفاهية
الا ان هذي لها خط لحالها ولا تشترك مع غيرها من السيارات الامريكي ،،

لهذا السبب الشركة قاصدة تحتكر عملاءها بالـتقفيل عليهم بعمل صيانة سيارتهم ، مثل بعض اجهزة الاتصال فيها المقفل مثل ابل
 ، وفيها القابل للتعديل مثل السامسونج
  
بالتوفيق وع البركة


up 6 down 1
aziz..747.. 2420
قبل 6 سنه و 5 شهر



تعديل المثل : الي مايعرف للـصـقـرررر يشوية .. والكاديلاك دايم ينشوي من الكلام اللهب عليه خخخخخخ


up 2 down 2
aziz..747.. 2420
قبل 6 سنه و 5 شهر



الله يوفقكم ويسعدكم 
وياريي يخليكم كلكم ماقصرتم


up 1 down 0
الكريك 176
قبل 6 سنه و 5 شهر



مازود على كلام الشباب الي فوقي


up 0 down 2
مراجل2 94
قبل 6 سنه و 5 شهر



أنصحك تاخذ من موديل 2009 وطالع لان الـ 2006 فيه مشاكل الحراره وتلافوها في الموديلات الاجدد 

ودايم حاول تبحث عن الممشى القليل لان هالسياره مو حقت كرف 

قبل ماتشتري انصحك بفحص السياره من الصدام للصدام وروح الوكاله وخذ برنت عن السياره 

الغالي فيها الاكسسوارات الخارجيه مثل الانوار والمساعدات وغيره ..

اما باقي القطع الاستهلاكيه مناسبه وارخص من الاكورد

موفق


up 1 down 1
المستبد 96
قبل 6 سنه و 5 شهر