تكلفة تصليح كدلك

والله اذا تبي تتعب خذها 

والله نصيحه مني لك مافيها مكسب يالغالي او حتى لو بتسخدم

الكدلك القديم كله مشاكل ولا فيه احد يعرف له كثير وقطعه نادره

انا حصلت فورد 98 نظيف من الخارج بدون صدوم والداخليه كمان ولون سماوي وجناح وجنوط سبورت 17 كانها 2007 لو تشوفها من الخارج بس تحتاج صيانه والفورد رخيص قطعه ومنها الدفرنش و قطع اخرى وتكلفة الاصلاح ماتتعدا 4 الاف وسعر السياره 4 الاف ريال وانا حاولت معه ب 3000 الاف ووافق لكن ما كتبلي الله نصيب بسبب شغله ثانيه :(

شوف دور للفورد ابحث عن فورد فكتوريا 1998 بالرياض وتحصلها لون سماوي جنوط نجمه

والله يوفقك عزيزي

ابعدددددد عنها ولا تقرب ، الا اذا تبي تبلش فيها وتخسر وكل يوم من ورشه لورشه توكل على الله

يا غالي تصليحها يكلفك اضعاف المبلغ الي بتدفعه 
ابعد عنها 

جزاكم الله خير خلاص بهون 

في التشاليح ممكن تلاقي لها قطع غيار رخيص..
لو عندك وقت ..
وتحب السيارات واللفلفة عليها ..
غير كده 
دور لك على مستعمل نظيف ..
وهتلاقيها 
رخيصة مش غالية لأنها كاديلك >> مكروهه

ياخي انا معي كابرس اباخد الكدلك لاني بصراحة الشكل ذا يعجبني بشكل ماتتصوره بس والله مدري الاخوان حذروني وبالنسبة للفلفة بالتشاليح عادي عندي 

اقسم بالله لو يعطيك بلاش رحت تكون خسارة في النوع ذا لانه راح يتعبك بدون فايدة قطع غيارة غاليه  ماهي متوفرة ولايسوی شيء بالمعارض 

اذا مره حاب السياره خذلك مستعمل نضيف تحصله رخيص
افضل من السياره هذي بتكلفك كثييير 

بس يا اخوان السيارة قبل الحادث تمشي ومابها الا العافية ههههههه ياليت توضحون مشاكله اييش بالضبط لاني بصراحة كنت متحمس جدا 

اشترها من هنا ب 2000 وبيعها من هناك تشليح 


ما تنفع لك ابد  لو منها خير ما تركها بالشكل ذا 

طيب قبل لا تشتري شوف القطع التالفة وروح سعرها وشوف كم بتكلف مع شغل اليد ولا تنسى شكل السيارة لها فترة واقفة يمكن تطلعلك بلاوي من الوقفه

ههههههههههههههههههه
قسم لو انها يارس وبهذي الحاله ماشريتها

يارجل السياره تشليييييييييييييييييييييييييييييح
مانختلف ان الكدلك ال DTS سياره خوراافيه

بس على الاقل اذا انت متعلق فيه وتبيه
شوفلك شي يمشي وشغال

هذا حتى غطى الثلاجه مفجور مدري مين خارق ابوه

موقع حراج فيه كدالك واسعارها رخيصه خذلك واحد اقل شي يمشي والروح تنبض فيه

هذا لو توديه تشليح محد يشتريه منك
حتى الجنوط محكحكه والبدي مابقى فيه شي صاحي

شويخ افادك .. لاحظ الثلاجه فيها كسر !! مدري هذا غطى ولا للثلاجه نفسها 
لكن الصدق هالموديل جممممميلل جدا 
مرة بمعارض النسيم شفت 2005 كحلي نظظظظيف داخل معرض مطلوب فيه 25 .. صراحه السيارة عجيبه الله يبارك لراعيها وللي بياخذها