كيف أعرف ان عداد السيارة مفصول ..؟

1 طابق المشي في ورقة الفحص الدوري....
2 من الوكاله اذا كان صاحبها يشيك عندهم وشوف آخر مشي
3 بالبديهه
يعني كٲقل معدل يمشي بالشهر 1500-- 2000 كيلوا  ٲضربها في عدد السنوات حتى تاريخه وشوف الفارق
يعقل ٲو مايعقل  ٲقل من الرقم يعني مخزن.. قريب من الرقم محافظ ٲكثرمن الرقم مكروف

من تجربة السيارة تقدر تعرف العداد صحيح او ملعوب فيه

ماتقدر تعرف ان العداد مفصول 
لانه سلك موصل بحساس في القيربوكس تقدر تفصله وترجع تشبكه
بالتوفيق

راعي الفتك شبت معك ؟ 

انا اشتريت سيارة كابرس كانت ماشيه قليل جدا

ماصدقت لان كان موديلها قديم 5 سنوات وماشيه 32 الف لكن قلت دام السيارة نظيفه وسعرها رخيص خلنا نشتري

بعد شهرين رحت الوكالة شفت الممشى حقيقي .. قالوا لي السيارة مطلعه وكالة 2010 وهي موديل 2007 مخزنه والممشى قبل 6 شهور كان 24 الف

يعني الممشى حقيقي

واشتريت سيارة ثانيه الممشى 73 الف

شيكت بالوكالة لقيت الممشى مسجل عندهم قبل شهرين 94 الف

طبعا انا طنشت وقلت ماراح اشتري سيارة مستخدم مره ثانيه

طبعا فيه شخص يقرب لي الله يستر عليه ويهديه ..

سيارة ماشيه 90 الف وموديل السنة .. المهم شفت الممشى 16 الف قلت فيه شي غلط!!!

سألته يقولي نزلته عشان ببيعها وتجيب سعر

المهم الرجال باعها ومستانس .. طبعا لو انت اللي بتشتريها .. ماراح تشك بموضوع الممشى

لان موديل السنة وماشيه 16 الف يعتبر ممشى معقول جدا

انا خويي قبل شهر وشوي اشترى النترا وكالة اصفار ... ماشيه حاليا 11 الف

ونسيت اذكر ما اظن فيه احد يقدر يعرف الطبلون ملعوب فيه او لا .. لا وكالة ولا غيرها

انا انغشيت بالممشى لكن الحمدلله السيارة نظيفه من الداخل والخارج ..

اللي يبي لايك ذا .. عساها ماتطول 

فيه ناس يفصلوا العداد عشان الضمان مايخلص ويجلس اطول فترة ممكنه
  
واعتبر هذا غش اذا كان باعها و ماقال للي شراها

اهلين اخوي
-(لو بتشتري السياره لا تنسى صلاه الاستخاره ولو كنت متخوف منها وشاكك (ادعي لرب العالمين لو فيه خير سياره كذا موديل كذا ولون كذا ربي قربني لها لو فيها شر اصرفها عنها)
سوالك. كيف أعرف ان عداد السيارة مفصول...؟
1- شوف مسامير العداد هل في نحت من الـ مفك
2- شوف ورقه الفحص الدوري
3- لو كان منتظم او غير منتظم بالصيانه في الوكاله روح شيك عندهم (برقم الشاصي)
4- فحص السياه بالكامل من...(عضلات و جير ودفرنس وكهرباء والداخليه (كرسي السواق في تشقق او بهتان والنظافه الداخليه بالكامل)
والله يعطيك العافيه وشكرااا لك

الشكر و التقدير للجميع على تفاعلهم ....والله يبعد عنا الغش و الغشاشين ...
وانا راح ابحث في الموضوع   ... يمكن اجد طريقة من خلال فحص الكمبيوتر ...بالتوفيق 

فيه عدة طرق على السريع
اول شي اذا كان القير عايدي شوف قبضة القير هل ملساء والا باقي خشنه
وكذلك الدركسون يبين فيه اثر الاستخدام
وكذلك مرتبة السائق يبين عليها اثر الاستخدام تكون مضغوطه
وكذلك باب السائق من كثر الفتح والاغلاق يبين لك صوت تسكير الباب
وكذلك ازرار المكيف والمسجل وتحكم الدركسون يبين عليها الاستخدام
وكذلك المفتاح يبين عليه كثرة الاحتكاك من خلال التشغيل المتكرر
وكذلك بطن السيارة في المقدمة السافي مغير لون المقصات خاصة الجيوب
ودمتم

الوكالة افضل على ما اعتقد يكشفون حقيقة الموتر