استفسار مشكلة الحرارة في الكاديلاك

الف سلامات على السيارة والله يعوضك خير .

احتمال وجرب يمكن يكون غطاء الرديتر فيه تنسيم وسلامتك .

أجوائنا حارة والطلوع أكيد يزيد في حرارة المكينة
إن شاء الله سيارتك ما فيها شي بس شيك على بلف الحرارة احتياطاً والخراطيش
ولو ما فيها مروحة ثانية ولفلها مروحة وبعون الله بترتاح

حتى لو الاجواء حاره لازم تبقى الحراره ثابته
.. واذا ارتفعت الحراره فهناك فيه مشكله

لا هنتو يالطيبين على الردود غطاء الرديتر جديد والبلف جديد المراوح شغالة ةالخراطيش جديدة والمشكلة مافيه تهريب ولا شي وبعد انا بمنطقة باردة ابها يعني مافيه مشكلة بحرارة الجو

اخوي اذا انت مغير كل شي تاكد من سرعات المراوح حتى ولوكانت شغلة لان لها قوة اوسرعة معينة

بصراحة الكدلك شكل حلو عيبة الوحيد الحرارة ابوي كان معة واحد وبهذلة بالحرارة بس بالاخير باعة لانة كل شوي تترتفع واكلت منة الورش وباعة وهو نظيف والسب الحرارة صح انة عرف العلة بس النفس طابت
واخوي تاكد من الفيوزات او كتاوت المراوح

السيارات الأمريكية صحيح إنها فخمة ووسيعة ومريحة لكنها تعبد الحرارة عبادة خخخخخخخخخخخخخ

اخوي اذا انت في الرياض افيدك بورشه مختص في هذه الامور وكانت عندي نفس الحركه للتواصل 0555723406 ولااريد غير الدعوة الطيبه

انا ماابي اخوفك لكن مدامك شيكت ع اللديتر والمويه والخراطيش والبلف والمراوح وكل شي تمام....وبما انك في ابها اذن ارتفاع الحراره غير طبيعي وممكن يكون من راس المكينه وان شاء الله انها سليمه ..لاحظ انا قلت ممكن ماهو اكيد

انا اقول اقرى عليها واذا تذكرت انك قابلت احد وحسيت انه معجب بالسيارة ولا سمى خله يتفل ع السيارة ويسمي


والله ياغالي خالي جاب سيارة مرسيدس من المانيا وجتها عين الحرارة ماتنزل تخيل غير قطع بـ 16 الف ريال واخر شي السيارة طلعت معيونه من شخص كان مسير علينا قرى وتفل عليها ونزلت الحرارة ذاك اليوم ماتصدق شغل السيارة وكلنا قمنا نطامر ونصفق ماحنا مصدقين نزلت الحرارة سبحان الله لكن باعها عافتها النفس ماوراء 16 الالف تغيير قطع كلها جديدة مالك بالطويلة اقرى ع الموتر ماهو عيب وكب عليها ماء مقري