إستفسار عن إستيراد قطع الغيار

انا مثلك سيارتي بعض قطعها الاستهلاكية غير متوفرة ودي احد يفيدني ويفكني من الوكالة والمحلات.

ماعندي اي خلفية عن كل اسئلة الا سوال واحد 

كم تكلفة الشحن ؟ 

جـ / يعتمد على وزن السلعة اللي شاريها كل ما زاد وزنها زاد سعر الشحن .

وبالتوفيق

نورتو الموضوع ياشباب

أخوي سالم الله يعطيك العافيه عارف إنه على الوزن بس كم ممكن يأخذون على القطع ألي ذكرتها تقريبا أو كم

يأخذون على الجرام او الكيلو

اول شي ياغالي لازم يكون عندك اشتراك في احد شركات الشحن ارامكس او فيدكس او DHL 
او البريد السعودي الحساب هذا قيمة الاشتراك بالسنة من ١٠٠ ريال الى ١٤٠ على حسب الشركة 
يعطونك عنوان في امريكا وأي موقع في حال اتمام الطلب تعطيه هالعنوان ويرسل طلبك اليه وبعد مايوصل لعناونك في امريكا من ٦ ايام الى ٩ يوصل طلبك للسعودية
تكلفة الشحن لأي قطعة عندك ارامكس اول كيلو جرام او أقل منه ياخذون عليه ٦٨ ريال واذا زاد عن الكيلو  يضاف على ٦٨ ريال تقريباً ٤٥ ريال للكيلو الزائد  
البريد السعودي اول كيلو او اقل ٥٠ ريال واذا زاد عن كيلو جرام يضاف الى الخمسين ٣٥ ريال لكل كيلو زائد 
عندك مثلاً قطعة وزنها ٦ كيلو جرام راح يكلفك شحنها مع البريد السعوي ٣٠٠ ريال

نجي للطلب لازم يتوفر عندك رقم القطع المطلوبة لتسهيل طلبك عن طريق المواقع ومعرفة السعر او ارسال رقم الشاص وهم يطلعون لك طلبك ولكن يلزمك اللغة للمراسلة وياهم 

الدفع عن طريق موقع باي بال ويلزمك تسجيل فيه وإضافة البطاقة الائتمانية فيزا او ماستر كارد وهو الأسهل لك ولهم ومضمون في حال البائع ماأرسل القطع الموقع هذا يرجع لك حقك 
ويمكن السداد عن طريق البطاقة الائتمانية في نفس الموقع 

اول مايوصلهم المبلغ يقومون بشحن طلبك 

عندك هالموقع مثلاً انا حسب تجربتي الشخصية تقريباً هو ارخص في السعر عن باقي المواقع  
http://number1gmparts.com/parts/1997/Cadillac/DeVille/Concours?siteid=216375&vehicleid=10422&diagram=BA94600

وعندك موقع ebay تحصل فيه احيانا قطع تباع بأقل من سعر الشركة تعتبر عندهم استوكات يعني انتهى موديلها وماعليها طلب ويبيعوناها بأقل من سعر التكلفة او يعرضها صاحبها مزاد
ولكن موقع ebay لابد من معرفتك لرقم القطعة لسهولة البحث 

الله يجزاك خير أخوي فور سبيد مشكوووووووووووووووووووور على الايضاح ويعطيك العافيه

ما شاء الله الاخ فور سبيد اعطاك ملخص عن طريقة جلب القطعه من النت .. بس ما اتوقع بتقدر 
تتعامل مع الموضوع لانه يبيلك وقت لتتعلم وحوسة الشحن 
الحل ابحث عن وسيط يدورك ع السلعة اللي تبيها ويكفيك بعملية الشراء 
ويحسب لك التكاليف واصله لعنوانك وتعرف كذا بتشتري او لا وهل السعر يناسب ميزانيتك
روح شوف كم قسم للتجارة الالكترونية اذا حصلت رجال ثقة توكل ع الله 
هناك اشخاص يصنفون ثقة تحت نكاتهم من نفس المنتدى ركز عليهم 
طبعا الوسيط ياخذ عمولة تتفقون عليها والله يسهلك يا خوي 

ركان مشكور على مشاركتك وربي يسهل للجميع