هل فيه مؤسسة او محل يفحصون سيارتي بالفحص الدوري ؟

موجود طبعاً بس شخصياُ ما انصحك فيهم

بعضهم لين خلص الفحص سرق قطع غيار من السيارة وبعضهم يلعب في الموتر لعب ويجلس يفحط فيه وبعدها يتصل عليك

يقول موتر جاهز انصحك افحص بنفسك وجدد الاستمارة عن طريق البريد السعودي

خصوصاً ان الشغلة بسيطة ومو محتاجة تعقيب ولا يحزنون

ms any حتى المؤسسة الرسمية الي تقصدها اذا كانت موجودة بشكل مستقل ، مو تبع معرض هذي بعد فيها افـــــــــــــراد "العاملين" غير مباليين بالاهتمام بسيارتك
شخصياً كثير من الناس فيها خير ،،

أيقنت بأن التجاهل يقتل السفهاء

والله انك ماتدري وين الله حاطك مدرعم وبس

كل العالم عارفين ان شغله الفحص ما تاخذ ولا حتى ساعة مو ساعتين

بس المؤسسات ما يخلصها لك بساعتين لو تحب الأرض يحتج بأن قبلك عملاء يقولك حط السيارة وتعال استلمها بعد يومين

واحد من اخويايي راح حط موتره يفحصونه له كامري المهم قالو بعد يومين يوم رجع واستلم السيارة لين البطارية موية

وهو حقته جافه كهرب انت غشيم ولا تعرف اسلوب السرقات الي تحصل عندهم قسم بالله يسرقون قطع ما يمديك حتى تكتشف انهم سرقوها

أيقنت بأن التجاهل وش دخل الوكالات في الموضوع ؟ الرجال يبي يفحص سيارتة فحص دوري والسيارة لزم تكون موجودة

بعدين انت تقول نظام الوكالات ما تدخل مع سيارتك وقت التشييك او تغيير الزيت سلامات ماتدخل ليش هي اسرار حرب ؟

المكاتب الي في النسيم سرقو من اخوي استبنة وبعدها حطوها بالفحص الدوري قالو حنا مالنا شغل

يا صاحب الموضوع احرص على حلالك وافحص بنفسك وخلك مع موترك ولا تصير غير مبالي مثل بعض الناس

زي ايقنت هذا ههههه غير مهتم لأن موترة قرنبع

قد شفت كذا اعلان في حراج
يجددلك الفحص بدون لاتروح تفحص بس لازم تدهن السير عشان يسير 

يعني فيه ناس لهم واسطات جامده يخلص امور سيارتك وانت محلك 

سو اعلان فحراج ويجونك 

انا ابي افهم وش دخل الوكالات في الفحص الدوري هههههههههههههه

شكلك مواصل من امس بعدين كلامك غير صحيح ولا تعمم على جميع الوكالات

عندك الوعلان تدخل وتشرف على موترك لين يخلص من قال ممنوع

كيا الجبر نفس الشي تدخل مع سيارتك مافيها اي مشكلة ؟

ميتسوبيشي العيسائي تدخل مع سيارتك مافية اي مانع

بس انت مشكلتك تتكلم بغير علم وما سبق انك جربت هالأمور عشان كذا تفكرها ممنوع هههههههههه

اي فعلا انتبه تحطها عندهم يلعبون فيها ويفحطون مثل ماذكر الاخ وممكن تخبط المكينه ويضرب القير ويوضبونها وانت ماتدري

انا مره وقت فحص سيارتي يوم استلمتها لقيت المكينه مسروقه ومركبين مكينة تيرسل
والقير ماهو موجود والسياره استخدموها في فلم هندي يفحطون فيها ورجعوها لي

معارض السيارات تفحص لك مقابل 100 ريال غير رسوم الفحص 73 يكون الاجمالي 173 

بس انصحك افحص سيارتك بنفسك افضل 

اخوي ماعندك يوم اجازه بالشغل حقك ياخي خذ اجازه وشيلها ودخلها الفحص ويفضل تروح بدري الفجر وتفحصها وتاخذها واليوم الي بعده تجدد استمارتها 

والله ماعطيت سيارتي لاحد لو بكره سوى شئ يقولك هيا تعال ابكي ورايا اي قانون هاذا مامن على احد غير ايقنت ان تجاهل ههههههههه هو الوحيد الي اثق فيه

شيل سيارتك وسوي كل شئ بنفسك والله تضمن حقك وزياده ولا احد يقدر يزود عليك ريال

مشكورين يا اخوان

هو صحيح تصير بعض المشاكل لما توقف سيارتك في الوكالات وانا حصل لي موقف مع احد الوكالات سابقا بأن بعض القطع تغيرت !!! ولما سألت انكروا انهم غيرو شي وانها مثل ماستلموها 

بالنسبة للفحص الدوري انا مشكلتي الدوام ( تبصم الصبح وتنكرف لين الساعة 2:30  وتبصم خروج ) ومن الساعة 12 الى الساعة 1:30 اخذ عيالي من المدارس وارجع للدوام منهلك من المشاوير 
والفحص الدوري يقفلون الساعة 4:15 العصر 
يعني على بال ماروح لهم اكيد راح افحص مرتين وفي كل مرة يبغالي 45 دقيقة لين اخلص .. يعني بفحص السيارة على دفعتين اليوم وبكرة وحيلي منهد من الدوام ومشاوير المدارس 
هذا الي خلاني ابحث عن مؤسسة عشان اضمن على الاقل انهم يودون السيارة ويخلصونها لي والاتعاب معروفة ( 100 ريال ) وافتك من البهذلة 

لكن مثل ما تفضلتم لو عطيتها شخص ماعنده مؤسسة .. هنا تتخوف على سيارتك .. ولا يحق له يسئ استخدامها وانا مأمنه أمانه ينجزها 
وفيه ناس فعلا موب قد الامانة الي تؤمن لهم ( سرابيت ) وكأن الي يدفع له ( 100 ريال ) يملك مليون ريال ولا تهمه سيارته !!

لكن الله يسهلها 
ان حصل معي وقت رحت وان ما حصل تقعد لين يحصل وقت او القا مؤسسة تضمن لي سلامة سيارتي 

طيب اخوي انت من وين عشان اشوف لو احد يقدر يساعدك اذا من جده ولا من وين

بالرياض ياغالي

:)

الحين لقيت شخص بيشتري السيارة مني ولكن ودي اعرف هل فيه ناس تزبط لي نقل الملكية بدون فحص ؟؟