أضف سؤال أو موضوع جديد          

القطع المتوافقة لكاديلاك كونكورس 1999

up 4 down 3
3zyiz 260
قبل 10 سنه و 7 شهر



السلام عليكم ورحمة الله وبركاته

اخواني الكرام انا من مستخدمين الكاديلاك كونكورس 99 بصراحة سيارة جامدة وتستحق العناء :) ولو ان السوق ما قدرها بسبب عدم تقديرها عند الوكيل الي مخرب مزاج الشعب ومخلي قطع غيارها غير متوفرة وان توفرت بتكون بسعر غبي وخيالي

احتاج مشاركتكم يا اخوان عشان نكسر خشم الوكيل كسر ما يجبر وغيره بالطريق ان شاءلله

طبعا السيارة مثل مانتم عارفين قطعها نار 
انا سيارتي تحتاج مساعدات وتفاجأت بأن اغلب الورش يقولون قيمة المساعد الواحد 1600 ريال عند الوكيل 
طبعا يبطي عظم ادفع له هالمبلغ لو امشيها على خيشة حصى بدل المساعدات
لقيت ( جبريال ) بالصناعية القديمة عنده مساعدات تركب على موديلات 2000 وطالع وعشان اركبها لازم تترهم عند راعي ميزان شاطر
موب مثل الي رهمها لي صارت تحذف يسار 

فيه شي مهم :
عند تغيير المساعدات راح تتوقف سرعة المكينة على 140 كلم .. ما تزود عنها بسبب ان المساعدات كهرب .. لذلك :
لازم تسوي برمجة إلغاء المساعدات من الكمبيوتر عشان تفتح معك السرعة الطبيعية ( 240 كلم/س ) 

طيب نجي لموضوع المكينة ومشاكلها .. 
ورشة ديلتا يقولون يوضبون مكينتها بـ 6000 ريال ===> مدري هم صاحين والا خارج نطاق الخدمة مؤقتا !!!

بعضهم يشتكي من القير !
والبعض يشتكي من قطع الكهرب 
وغيرهم الكثير الي يعانون من مشاكل لا حصر لها ولا اصلاح لها .. مع العلم ان فيه ناس تصلح ولكن قليلين وبالقطارة
واحتمال بأذن الله لو تسهلت الامور فيما بعد راح اشوف لي مهندس اتفق معه في اصلاح كونكورس 99 وتحت خصوصا ان الكثير من الناس يمتلكها ولكن ما يحركونها كثير خوفا من الصيانة 


الي عنده اي معلومات عن قطع الغيار البديلة  لا يبخل علينا

وما زال الموضوع ( مدهر ) :) ونتواصل هنا باذن الله








إبلاغ إبلاغ



الردود


الموتر ذا كنب بكفرات :)


up 4 down 0
hmada1213 2018
قبل 10 سنه و 7 شهر



طيب تدري آن آخوي شرا شبح موديل 92 تعرف وش 92 

يعني لازم تكون قطعه ارخص من التراب 

تدري أن قالوا له نوضب لك المكينه ب 6500 ريال وقطع درجه اولى ؟؟

وازيدك من الشعر بيت .. الشبح حق اخوي مقاس 320 يجي 6 سلندر بس

مو 500 اللي يجي 8 سلندر ولا 600 ابو 12 سلندر

لا 320 ابو 6 سلندر

وبعد المفاوضه قال 6300 نهائي جدا ؟؟

92 و توضيب مكينتها ب 6300

قال اخوي عطني 6300 وخذ السياره حلال عليك ..؟ وش هالغلا

المهم ترا الشركآت الفخمه .. مثل مورسدس او كدلك او ماشابه .. لا تاخذ منها سياره قديمه .. لان قطعها نار واريه

انت بأمكانك تاخذ كابرس صابونه احسن من هالقرنبع اللي معك

مثل شبح اخوي .. حراره ترتفع كل يوم يطلع خراب..وقطعه المكيانيكيه غاليه مثل توضيب قير ومكينه 

القير توضيبه ب 3500 ريال ؟؟

بس لو تجي للصابونه يمكن ب 1000 ريال للقير والمكينه ب 2500 ريال

الوالد موضب جمسه والقطع من شركه GM أصلي ب 3500 مع شغل اليد موديله 2002

والشبح يقولون توضيبها بقطع اصليه الجفالي ب 28 الف ريال؟؟؟ لموديل 92  6 سلندر

حتى الكدلك يمكن يقولون لك مثل الشبح

فيالبى الشركات المتواضعه مثل شفر وجي ام و فورد و تويوتا


up 2 down 3
ابو زياد 1394 206
قبل 10 سنه و 7 شهر












ابو زياد توظيب الجمس 2002قطع فيدرل ممكن توصل 3500 مع اختصار كثير من الشغلات!








اما توظيبه الاصلي راح يتعدى ال7000 الاف بالراحة !واسأل محلات قطع الغيار عن قطعه!












...
























up 2 down 1
bansq 193
قبل 10 سنه و 7 شهر



الكاديلاك لانه دفع امامي محركاته نورث ستار كويس اذا وضبها لك ب6 الاف ريال
والجير بعد مشكلته مشكله ! يعني ما تقدر تولف له قير غيره ،سمعنا اول انه كان اخواننا السوريين يولفون لها مكاين هوندا عشانها دفع امامي واقتصادية بالبنزين لكن هنا مالك الا التشاليح او الوكيل عشان كذه قيمها رخصة للغاية !


up 1 down 2
bansq 193
قبل 10 سنه و 7 شهر



كرونة الكدلك سي تي اس في فوق ال 20 الف من غير التركيب والوزن ولازم طلبيه بعد هذي مشكلة الكدلك قطع غيار وغير متوفره ولا لو فيه مسوق لها مثل ابو جميل كان الكدلك سوا الهوايل


up 1 down 1



^^^^^^^^^
يا اخوي بنساك بالعكس محركات النورث ستار من اقوي وأحسن المحركات 
نزلت بسنة ٩٤ بس اهم شي تبي منك الزيت وفيها ميزه اذا احترت الماكينه 
تطفئ اربع سلندرات وتشتغل اربع سلندرات الباقيه لحد ما تخف الحراره
ومو بسهوله تخبط الا اذا انت مهمل المويه او فيها تهريب في دورة المويه 


اخوي عزيز ابسالك كيف استعمالها حلوه انا جربت الفلتوود جبار بالخط 
ومريح وقوي بمعني الكلمه ومريح بالسفر والخطوط الطويله
بس كيف موترك انا اللي اعرف فيه ان اغلبية اعطاله بالكهرباء ما يمدحونه
انت تقول عقدتك بالقطع ما جربت قطع البيوك الدفع الامامي او الكرايسلر
والدوج انتربيد جرب يمكن تحصل قطعه بالسيارات هذي .

وثاني شي لي ما تشتري جهاز فحص ٢٠٠ ريال تتعلم عليه وتفحص سيارتك بنفسك
وانت بسيارتك لا تروح محلات القطع الغيار وتقوله عطني القطعه الفلانيه حق السياره
الفلانيه انت خذ رقم القطعه ورح للمحل وقله شف الرقم هذا بس شرط ان محل القطع
يستعمل نظام الكمبيوتر وعنده برنامج لقطع الغيار .
واذا اي عطل جننك بسيارتك اخذ اسم السياره وموديلها وأكتبه بالإنجليزي وحطه علي اليوتيوب
والمنتديات الأجنبية تسفيد اكثر وتتعلم حتي طريقة الفك والتركيب وفوق هذا تتعلم اللفه الانجليزية
 


up 0 down 0
foxzx 1593
قبل 10 سنه و 7 شهر



عزيز لقيت مقاطع لسيارتك كثيره علي اليوتيوب 
شف ها لمقطع يعلمك كيف تركب الدينمو 

http://youtu.be/an3rl8H0y0o 

انت اكتب اسم سيارتك عربي او بالإنجليزي احسن 
او اكتب اسم الماكينه نورث ستار 
ثق بالله تتعلم وما تحتاج اي ميكانيكي يشتغل علي سيارتك 




up 0 down 0
foxzx 1593
قبل 10 سنه و 7 شهر



الكاديلاك وما أدراك ما الكاديلاك , إذا سمع اي شخص إسم كاديلاك أول شي يطري على باله الراحه والفخامه الي ماراح يحصلها في سياره ثـانيه

وبالنسبه للصيانه صحيح مكلف بسبب الوكيل وارتفاع قطع الغيار , وكل ما اهملت السياره كل مازادت تكلفة الصيانه 

وانصحك لاتركب تجاري أو تولف لها مساعدات ثآنيه , وركب مساعدات زيت بدال الكهربه وبالنسبه للسرعه الشغله بس انه يفك الحساس في المساعد القديم ويركبه في الجديد 

وبالنسبه للمكينه قليل من الورش يستقبل صيانة الكاديلاك لان صيانتها معقده وفك المكينه وتوضيبها يشيب الراس وبعدين مو أي احد يقدر يوضبها لان مكائن نورث ستار المينيوم

وإذا كانت عندك مشكله تهريب زيت فهذي المشكله شائعه من موديل 94 إلى موديل 2004 بسبب القازقيت والحل فك المكينه وتبديل القازقيت بنوعية أصليه والمكلف فك المكينه

لقيت في المواقع الامريكيه بعض الحلول لمشكلة القازقيت وهو يضعون ماده سائله في الرديتر وتمنع تسرب الزيت مع القازقيت وهذي الماده خاصه بمكائن نورث ستار فقط . 

بالنسبه للمساعدات أقدر اوفرها لك بسعر كويس وأصليه من جي إم صناعه اي سي ديلكو وياليت ترسلي رقم الشاصي واشوف لك المساعدات المناسبه 


up 2 down 1
المستبد 96
قبل 10 سنه و 7 شهر



المستبد

ارسل لي تلفونك لا هنت




up 0 down 0
3zyiz 260
قبل 10 سنه و 6 شهر



اللي عنده مشكلة في يايات و مساعدات الخلفيه
للكاديلاك كونكورس من 96 الي99 ....تم الحل 
يآيات مرسيدس موديل 90 أمامي سعرها190للاثنين
 تركب للكاديلاك 


 قص لفه من الياي

.. المساعدات ما تعتبر توليف لانه فك و ركب 
مساعدات لاندكروزر 99_2002 



up 0 down 0
انا اخر تفكيرك 2
قبل 8 سنه و شهر



بيض الله وجهك
بجرب


up 0 down 0
3zyiz 260
قبل 8 سنه



المكينة لو القا له مكينة بديلة يا سلام


up 0 down 0
3zyiz 260
قبل 8 سنه



بسئلكم عن كدلك دي تي اس 2006 كيف قطع غيارها ومشاكلها 


up 0 down 0
mmaaclassic
قبل 8 سنه



DTS + STS اخطر سيارتين في الصيانة حسب ما فهمت من محلات الصيانة الي مريت عليهم
ومحكراتها جبارة بس صيانتها متعبة اكثر من الكونكورس والديفيل 


up 0 down 0
3zyiz 260
قبل 8 سنه