ابشتري سيارة جديده وابي مشورتكم

بدفعة 24000
الكورلا :599
اليارس نص فل:499

نصيحة واحد يبغالك الخير


اشتر النترا  شفها معي 2008 آجره وتكد كد مهو فالسنع

نصيحة واحد يبغا ينكبك اشترها ترها زينه وهي مالها 6 شهور معه

الالنترا حسب تجربتي لها كان معي وحده زماان قبل 13 سننه وسافرت عليها من الجنوب الي الاردن وبعدين لسوريا وبعدين


لبنان عشان احظر نهائي البطوله الاسيويه مع اليابان وللاسف فازوا علينا وطلعت واصله معي واشغل السياره وادعس بقوووه

في مواقف الملعب وبغيت اصدم لي لبنانيه قالت شووبك ع مهلك بدك تصدمني انا مثل اختك قلت بيني وبين نفسي لو انك اختي

كان قتلتك هههههه ..شطحنا شويه ..

المهم الالنترا كان موديلها 98 لكن والله ماشاء الله امشي طبلونه من يوم رحت الي ان جيت ومشيت عليه ف السفره هذي اقل شي 

4 الاف كيلو وجلد جلد جلد ولاقالت اح بس زيوت وبنزين ..لكن للاسف بعتها تشليح ب 2000 وانا شريتها ب 20 الف ..

راحت في حادث قوي جدا شمعت في صبه وجت سلامات الحمد لله ..عيبها فراملها زي اغلب الياباني اذا عطيت دعسه قويه

تلاقيها تتزلج ع الجليد ماتوقف الا في جدار او عمود او رصيف او غيره هذا اذا كنت مسرع ..

الله يعطيكم العافيه والحمد لله على سلامتك ياميزار ياخوك مالقيت غير الصبه تصدمها خلصت السيارات
ياشباب انا اتكلم كم يجيني القسط أذا معي دفعه اولى 24000 في سياره قيمتها من الستين ألى السبعين ألف وانا افكر خاصة في الجيلي كم يجي قصدها

اذا السيارة قيمتها 70000 القسط بيكون في حدود الـ 800

في جيلي انواع ec7 السياحي ب ٣٠ الف و في ec8 السياحي ب ٤٥ الف

و هي قسطها بدون دفعة ما يتجاوز ٦٠٠ ريال 

و ادخل موقع الحاج حسين علي رضا و شيك و على دربك شيك المازدا ٦ عند نفس الوكيل

لاتتسرع في الشراء ..فكر وفكر وفكر وقبلها استخر..لانك بتشتري سيارة العمر ولك وللزمن ..

لاتستعجل ع الصيني ..

بعدين الصبه اللي صدمت فيها كنت الحق 3 شباب نزلوا عند الاشاره وفتحوا باب سيارتي ونزلوني وتعال تشوف النجوم فوق

راسي واحد ماسكني والثانين تكفيخ وشوت وركبه ومن الحسن ولعت الاشاره وفزعولي ناس قبل تولع وركبوا سيارتهم وانا 

الحقهم وكان فيه تحويله وصبات ولفوا يمين وانا طاير مانتبهت يادوب افتح واشوف بعين وحده واشمع في الصبات ..

والي الان لااعلم وش السبب لاني مغازلجي ولاني راعي شر ولا مخدرات ولا ناي راعي مشاكل ..

كل اللي صار انه بعد ماشفت الخبر حق 11 سبتمبر 2001 وابراج التجاره ظربت فيها طايرات طلعت وكان عندي مناسبه

خاصه عائليه وفرحان فيها وولعت الفلشرات وولعت اللمبه الداخليه للسياره واطرق بواري ومعلي صوة المسجل ..ومستانس..

ماادري هل هالخبر له علاقه باللي حصل لي ..قال لي واحد ترى امريكا لها عملاء هنا وجواسيس نيجيريين وافارقه وممكن

يحسبون انك شمتان في اللي صار في مبنى التجاره ..والمشكله ماني يمهم هههههههههههه..

المهم مانبي نتكلم في السياسه ..قبل يوم رديت ع موضوع بخصوص اليوم الوطني وتكلمت عن النفط والرواتب والسكن الخ الخ

وفجأه طلعت لي شاشه بدون مخارج ولا مداخل مكتوب عليها امن الرياض مركز المعلومات هههههههه وكاتبين ع الجنب الانتربول

هههههههههههه انتربول مره وحده قعدت افنقل عيوني يا

افنقل عيوني ياولد انتربول هههه ايوالله انتربول ..هذا كوم وحكاية الغرامه 1.250.000 ريال لان تشاهد مواقع اباحيه

وممكن يكون عندك فيروس في الكمبيوتر هو اللي يرسل مقاطع للاخرين ههههه يعذرون لي وانا ماداني هالمواقع !!!

وبعدين يقول انت طلعت معلومات عن الدوله سريه ولايحق نشرها هههههههه وش معلوماته ماقلت الا اللي درسناه في الجغرافيا

انتاج النفط 10 ملايين ...ولاسبينا ولاحشينا في الحكومه ..وبالعكس مانبي غيرهم ولانبي دمار ودم وتشرد ..

وفي الاخير يقول ترى معلوماتك موجوده عندنا ولازم تسدد 500 ريال او 100 دولار ههههههههه كيف حسبوها ماادري ..

ورحت فرمت الجهاز والحمد لله طلع سليم ..

ياشيخ عجايب انا نمت البارح اتحلم بقوانتانمو ههههههههههه

أقول ياميزار انت ناكبنا ناكبنا انا في حياتي كلها وانا اسمع اغنية طلال مداح وطني الحبيب لاتخرب علي الله يرحم ولد عمك نزار

هذولي جحلط مسوين هكرات وهم بقرات ..ولو اعرف من هم يمين بالله ان امسك الواحد واربط يده وراء مؤخرته وامسح وجهه

في الارض ,, واحط رجلي ع فمه ,, والحمد لله جهازي مافيه  ملفات ولااي شي ولاحتى برامج ..لان عندي جهاز شخصي

ثاني ..مااشارك به في اي منتدى ..

بعدين حركتهم غبيه حاطين رموز وكلام متناقض ..شكلهم ورعان درباويه ..من وراعين المنتدى ,,ومسوين شبيحه وهم نبيحه

ولايسوون حتى سراويلهم اللي هم لابسينها ..

هذا الامير سلمان حاط له حساب في تويتر ليه ؟؟ عشان يسمع للشعب وطلباتهم وشكاويهم ,,وقد قالها ابوابنا مفتوحه لاي مواطن

لكن صعبه تقابله  في هالزحمه ..واسهل حل هو الانترنت ..

معلش قلبناها سوالف هههههههههه

وطني وان جارت علي عزيزة .. واهلي وان ظنوا عليا كرامو ..<<<<< بعد الانتربول ههههههههههه

اطلع فوق يافهد اقرى اخر موضوع في المنتدى عن الجيلي وموفق ..

لايارجال خذ راحتك في السوالف سوالفك حلوه مثلك وكثر من هالابيات تراها زينه ومفيده
وبعدين أنا منكوب شوفوا كيف من أول ماحطيت عيني عليها راحت الشركه في خبر كان شكلهم لو يدرون عني يخلوني ادفع لهم تعويض
والله يجزاك خير ياميزار

جهاز مكتبي جديد شريته ما كمل معي شهر 
حملت بالصدفه برنامج انترنت سكرتي لقيت 14 تروجان
يعني 14 نفر متكين معي فالجهاز يقلبون فيه براحتهم
والله لا قد اذيت احد ولا تعرضت لحد لاكن الله يتولاهم من عنده
هو يدورن على هتك اعراض الناس لان اعراضهم مهتوكه

أنصحك بالكورولا ، أو النترا

ياخوي عندك المازدا6 سعرها كاش 66ألف ستاندر في مواصفات ممتازه
إذعطيتهم 24 األف راح يكون قسطها طيب مالك ومال الصيني
وسعر المازدا ماتجيب سياره بنفس الفئه بهذا السعر
هذا رائي

تبي شووري وكلامي هذا خالص لوجه الله عز وجل

حطها ف النترا وكالة وووعيش حياتك وانسى طريق الورش

المواتر الزينة واجد بذا السعر عندك الالنترا لو تاخذها فل تراها ممتازه والموتر مافيه الا قير ومكينة يعني حساساته مهيب واجد حافظ على القير والمكينة وبتعيش ان شاء الله سنين معك ولا تاخذ فكرة عن الكوري انه مايصبر اشترها وحافظ وبتدعي لي وفيه بعد عشان مانظلم السيارات الثانية المازدا مثل ماقالوا الشباب تراها ممتازه بس ما انصحك تاخذ سياحي ارفعها لنص فل اقل شي احسن مواصفات وارغب في البيع ومنها عشان تستانس بالموتر وبالنسبة لدفعتك هي 24 ماتحدد لك كم بيكون قصدك لأن على حسب كم بيحسبون عليك الفائدة كم قوة راتبك على عليك التزامات الدفعة الاخيرة برضوه والتامين انت لازم تلف الوكالات وتتأكد وتشوف الانسب لك والراي الاول والاخير لك ولا تنسى تصلي صلاة الاستخارة وان شاء الله ربي بيدلك على اللي فيه خير لك ... تحياتي

يا بن الحلال دور لك سيارة مستعمله بالقيمة اللي معك وبتلقى النترا 10 نصف فل ـ ابرك لك من اجار التمليك والتربيط وش تبي بالديون .