للسعودين فقط
16
20
إضغط هنا للإخفاء
السلام عليكم ورحمة الله وبركاته
من العنوان باين العنصري ههههههههه امزح كل المسلمين فوق راسي بس ابتكلم صراحه عن قضيه محزنه جدا فليعذروني الغير سعوديين لان هذا الشيئ من حقنا و بإرادة الله ماكون ظالم
ألي يخليني اتتكلم عن الموضوع هذا اسباب
الاول نبغا نصحى لأنفسنا مو قصدي الضرر بغيرنا
والثاني لازم نجيب حل احنا شايفين وظايف مافيه واحنا في ظائقه الحين كيف بعدين
والثالث احنا ملعوب علينا الخير لغيرنا واحنا اصحاب الشأن ومحتاجين
ياجماعة خير انتشر الوقت هذا تجيب عامل وتقوله روح واخر الشهر جيب مبلغ معين ولا تفك له ورشه ولا محل حلاق ولا غيره وتحط فيه عامل وتقوله صرف نفسك واخر الشهر جيب مبلغ زهيد
طيب بداية الموضوع بسيط وكلها كم محل تفكه وتلعب في الفلوس وانت متبطح في البيت ولاكن النتائج وخيمه
اعلمك ليش لانك تعطي زمام الامور التجاره وتصريف الفلوس للاجانب وكيف يقدرون يتحكمون في السوق ويقدرون يطلعون السعودي اذا يبغى يدخل السوق معهم سلام سلام نصبح احنا يالسعوديين موضفين نكد والدوله تعطينا فلوس والثمره الاخيره للاجنبي والاجانب تحويل لبلادهم واستقرار في الفلوس في بلادنا مافيه
نأخذ الموضوع نقطه نقطه
نضرب مثال في البقاله ألي يفك بقاله ويعطيها يماني يقوله في الشهر عطني مثلا 3000 ريال طيب تتعلم اليماني كم يطلع ممكن 30000 ريال طيب بالله مو أولا فيها السعودي طيب بدال ما تفكك كم محل ليش ماتجلس في البقاله وتأخذ هذي الفلوس ويصبح السعودي الثاني البسيط يبغا يفك بقاله ويترزق منها مايقدر لان العمال مايبغون يشتغلون بالراتب مجرب 30000 ألف مايرسي معك على 2000 والشئ الثاني ماتلقى محل تستأجر فيه بقاله الدنيا ملوها الاجانب بسبب السعودي حتى بعض الشباب يشتغل عند بنقالي سعوديه ب2000 هذا لحالها تكفي صراحه شي يقطع القلب كم محل غيار مريت عليهم لأجانب وألقى رجل على رجل والضعيف يأخذ له ألفين يأخي معذور إذا جيت للموزع ولاه اجنبي يفيده ويجيك المأجر يدور اجنبي وهذي الحااله آخرتها الفايده للأجنبي
طيب تعال لتريلات <الشاحنات> كلها ابو فغن تعال انت ياسعودي إذا تبغى تدخل معه في السوق كل البناشر أفغانيه ولا شلت أفغانيه فكين بنشر يجيب لتريلته كفرات بسعر بسيط من الموزع مو نفس السعر ألي يبيعه عليك ويوفرون لها قطع الغيار برخص ويجيب لك حملت التراب ب750 ريال والسعودي ماتخارج معه لجل مصاريفها أقل شي يبيع ب850 وكذا يقدر يطلعك برا السوق ولايشتري
منك تريلتك
قصه مره سارت لي كنت سواق لمزرعه المهم كنت انزل البضاعه لسوق الخضره ومعي دفتري واسجل العدد والسعرالمهم ألي بالسوق كلهم أجانب إلا الدلال<المحرج> سعودي يعني ألي يستلم البضاعه ويسجلها اجنبي وطبعا يوزعها على الاجانب ألي زيه أنت يالسعودي مايعطيك لو تعض الارض كم مره جو شباب سعوديين بيدخلون السوق ويترزقون يعقدونهم الاجانب تعقيد كرتون واحد ماتأخذ غير بشق الانفس ويضطرون يتركون السوق مره كنت جالس أذكر مره جاء محاسب لواحد من الجنسيه اليمانيه مشتري بمبلغ بثلاث الاف قاله تعال وحاسب المهم اليماني عطاه 1000 فقط وقاله بكره الباقي وجلس يضحك معه المهم من جاء سعودي عليه 300 ريال قاله المحاسب جيب 300 ريال قال السعودي بكره اعطيك الحساب كامل حق امس وحق اليوم قام يطرطع عليه ويقوله لا عاد تأخذ ابد ومنعه يشتري بظاعه جديده يعني وصلنا مرحلة الاتضيق من جانب الاجانب على السعوديين وفي الاخير إحنا السبب ورا هذا كله ولازم تشتغل للأجنبي وتتستر عليه ويعطيك 2000 ريال واحمد ربك غيرك ماحصله
اوقيسوا على كذا كل شيئ المجمعات وغيرها ويقلون الافغانيه ماسكين مزارع الشعير في حايل وعندنا في المدينه مااسكين فنادق الحرم
والله ياشباب عندي كثير ماقلته بس لجل ما ابغى أطول عليكم أكثر من ماطولت لازم نتحرك ونعالج الازمه قبل ما تكبر واااسف على الاطاله واسف على الاخطاء الاملائيه
إبلاغ
الردود
0
0
والله ماقصدي أضركم في شيئ وأنا ما ألوم المقيم النظامي ألي مايجي من وراه خطأ أبدا وبالعكس نرحب فيكم والله مانحسدكم ونتمنى لكم كل خير ومانرضى عليكم ضرر ابدا بس أنا أتكلم عن مشاكل كبيره وفساد وأضرر تترتب علينا أما المقيم النظامي نرحب به ونشرح صدورنا له....
أخوي ملك الخطوط كلامك صحيح الدوله ماتقصر بس نبغى انظمه صارمه تظمن حق أي واحد سواء من مستهتر ولا لا كل الناس عندهم فروق فرديه مو كل الناس ممتازين وهنا يجي حسنت النظام ألي يظمن حق الكل سواء من مستهتر أو غيره لو بتخلى كل الناس على هواها ما كان يمدي الانظمه لها داعي وكان كل واحد أكل حق الثاني هذا مو حل إنا نتجنب السعودي طيب لو المقيم سواء مثل السعودي المستهتر نشد ولانخلي شققنا فاضيه و ماعاد نأجر محلات كل مشكله لازم حل جذري مو نتجنبها لازم نواجهها ونحلها الهرب من المشكله مايحلها
قبل 11 سنه و 2 شهر