من شاور ما بلش شورتكم يا اهل الخبره

اخوي اذا وضعك المالي ما يسمح ترى هذه السياره قطعها غاليه وغير متوفره والصيانه غاليه

موديل 2001


كم بيكلف اديتر ومراوح

هههههههههههههههههههههههههههههههههههههه

المفروض تعرف الجواب من ردة فعل ولد عمك

هو يقولك السياره تسوى 13 الف وقالك تعال خذها ب5 الالف

فيه احد يبيع سيارته ب5 الالف وهي تسوى 13 الف !!

يارجل الكدلك قطعه غاليه واغلبها ماهي متوفره مثل الشمعه تصك ال 3600 بس

ايضا صيانته تراه العن من الالماني مب اي واحد يسويها 

واذا بغيت تاخذ معلومات اكثر ترى فيه واحد فموقع حراج يعرض قطع غيار الكدلك يجيبها من امريكا

باسعار منافسه للوكاله ويترزق الله فيها
وسياراته كلها كدلك وانا قد كلمته وسئلته بصراحه قالي عنها كلام يشيب الراس

بس هو مرتاح لها لانه عند اكثر من دخل مادي ومرتاح ماديا 

ومن ناحية الاستخدام والتقنيه والمواصفات فسياره لايعلى عليها تاكل الطريق اكل والعزل فيه جبار

مثل ماقلتلك حاب تاخذ معلومات اكثر من شخص جرب ابحث عن اعلانه فموقع حراج واتصل عليه واسئله

ونصيحه اذا شريته ب5 الاف روح بيعه على طول ب13 الف وانت الكسبان وهذا الي راح تكسبه من الكدلك

اما تشتريه وفتكر تسوي صيانه وترقع فيه عزالله انك بلشت

يابعدي ولد عمي عشانه ولد عمي طش لي من السعر

فهمت كيف

والله اني مادري ياخوك انا ابيه لمدة سنه وكم شهر بس

الكدلك اريح سياره بعد الالماني ,,

لكن قطعه نار ياحبيبي نار ,,وحساس جدا ...

واذا انت رجلك هاديه ومنت راعي مجاكر ..وتفحيط وتحدي ودرفت خذه ,,

والحراره ماهي مشكله ممكن تشبك المراوح ع اعلى درجه وتخليها شغاله ع طول مدام بتستخدمه سنه بس ,,

ومااضن ولدك بيغشك ف السياره ..لو فيها مشاكل اكيد بيقولك ..

واهم شي بعد تتاكد ان الحراره ماهي من راس المكينه او طرمبة الماء ..لان مشاكل الحراره الثانيه حلها بسيط ..


ونقطه اخيرره ( الكدلك ماهي سيارة كرف ) بالعكس سيارة ناس رايقين وهاديين ورجلهم خفيفه ع السياره ...

استخر الله ولاتستعجل ,,

وانا مااؤيدك تاخذ هالسياره ,,

واذا مصمم علمني عشان اعطيك رقم مهندس هندي ف الرياض متخصص فقط ف الكدلك من 15 سنه ولو تجيب له ددسن ماصلحها ,,شغله ع الكدالك فقط ,,,

عشان يفحص السياره من الي وقله أي شي يطلع ف السياره يكون ع مسؤليته ..

الله يجزاك خير ارسال الرقم بستخير

كان معي واحد بهذلني بالحرارة وما احد عرف المشكلة بعت تشليح ب3000 ريال 
بعد موجلة واقسم باللة لو قال ببلاش اني لعطية راعي التشليح خسرت خساير اللة يعوضني بس

حسب خبرتي البسيطة مااحد يمدحه و خصوصا القديم 

انصحك بالكدلك فقط اذا كان جديد والماده عندك ممتازه وفوق الممتازه
وغيره انحش ياسنايدي بياكلك بالخرابات وقطعه الغاليه وصيانته المعقده
خذلك فورد ٩٧ او ٩٦ واكرفه لين يقول امين قطعه رخيصه وحق مكده زد الخمسه عشره وماراح تندم

ياخوي بعد الكلام الي سمعته لو تاخدلك بسكليت ارحملك من الكاديلاك ومدام انك تبغى سيارة كرف مابعد الكورلا لو موديلها قديم كانت معي وحدة كرفتها ايام الدراسة اسأل الله لك الأجر والتوفيق

كلهم أجابوا صح.....اذا انت راعي فلوس ورجل باردة جدا خذها والله يبارك فيك
لو العكس تاخذها وتحل مشكلة الحرارة وتبيعها كمكسب ثم خذ كراون فكتوريا 94-97
قطعها ارخص من الكاديلاك وتقبل الرجل الحارة بعض المرات...لكن اكثر المرات ترتاح بالرجل البارده
وصيانتها سهله اي واحد يصلحها

يابن الحلال مثل ماقالوا الاعضاء اللي فوق او تاخذ لك كورلا 

من ٢٠٠٠ وانت طالع 
اعرف واحد معاه كرولا ماشاء ماطلبت الا اشياء استهلاكيه طبعاً موديلها ٢٠٠٤

اسم المهندس جونسون بالرياض الحاير هندي عيونه زرق ,,

هو الهندي الوحيد اللي عيونه زرق ف العالم ههههه ...

رقم جواله 0555866425

وانتبه منه تراه يحب الدراهم ,,,

اكد عليه قله يفحص المحركات والحراره من الي واي مشكله ع مسؤليته ,,

وراسلني ع الخاص عشان اعطيك رقمي وتكلمني من عنده عشان اوصيه عليك مايزرفك ,,

لا تاخذها بتعذبك عذااااب خلي ولد عمك ينبلش فيها 

المشكله ياخوي انت عنوان موضوعك من شاور مابلش ,,

وانت يالغالي شاورتنا ونصحناك تبعد عنها عشان ماتبلش ,,

وشكلك مصمم ع السياره وتبي تبلش بها غصب ,,

اذا مصمم خذها زي ماقال اخوي علي 911 ب 5 الاف وزبط حرارتها وبعها اقل شي ب 10 الاف وخذ لك سياره خدومه وتتحمل الكرف ع كلامك ,,

لكن قبل تاخذها تاكد ان حل مشكلة الحراره ماهو من المكينه ,,

المشكله اخاف تاخذها وتتعلق فيها لان قيادتها ممتعه والعزل فيها رهيب

سيارة روعة لكن ماهي حق كرف ، ومشكلة الحرارة بالكاديلاك والمكسيما وبعض السيارات الي محركاتها مخففة . اختصرها علية >> تغيير مكينة ، لان مكينته اللمنيوم .. وزيادة الحرارة تسبب شرخ بالمكينة وبكذا انتهاء محركــها الجبار النورث ستار 8 سلندر بالعرض 300 حصان عشان كذا مخفف من حجمه..

والمساعدات هيدروليك وطبعا غالية مثل غيرها زي الفياقرا ولا تتحمل الكفر بشوارعنا الجميلة ^_^
اذا اهتمية بهذي الباقي مقدور علية ،، موفق ان شاء الله

ومشكلة الحرارة تواجهها كل المحركات لكن اذا كان المحرك اللمنيوم لازم تكون مهتم اهتمام بنظام التبريد من رديتر وبلف ولليات والموية اصلي لان نهاية الحرارة في مثله ع طول ع المحرك لسبب الي قلتلك
اذا اهتميت فيها 1 الحرارة ماتوصل المحرك 2 المساعدات 3 قطع غياره مو كثير متوفرة

غير كذا موتر ونعم بس اعرف كيف تتعامل معه ، ولا ياخذه الي الي يقدر الكاديلاك

وانا من عشاقة لحد 2005 بعد كذا اختصرو كثير في فخامتة ونفس المحرك القديم اللمنيوم .