من لديه اية معلومة عن أسكاليدا و جزاكم الله الف خير

سيارة عملية زيها زي اليوكن والتاهو المحرك نفس الدينالي والجير يجي على الدينالي وعلى التاهو واليوكن العادي وعلى الكابرس وعلى السييرا

اللهم الاشكالية في الاكسسوارات وان شاء الله ماتحتاج تغيرها

والفرق الجوهري انه دفع رباعي مستمر مثل الدينالي يعني كشتات خفيفه يعني بدون دبل ثقيل بعكس التاهو واليوكن العادي
وبتوفيق

هلا و غلا أخوي .. 

بالنسبه للاسكاليدا هو النسخه الفخمه من الجمس , مثلا فورد ولنكولن .. 

وماأشوفه بكثره في الشوارع مثل الجمس وغيره , ماأدري ليش .. 

ولكن أنتظر يجيون اللي فاهمين ويعلمونك , وإنت اسأل عن قطع الغيار وكيف اسعارها .. 

وإن شاء الله إن السياره طيبه ولكن يبغالها محافظه زايده ع اللزوم .. 

تحياتي لك .. 

الله يبارك فيك كيف أسعار قطعها

الاسكاليد مثل اليوكن الدينالي
ويختلف تماما عم اليوكن والتاهو العادي
قوة محركه 6.2 لتر بقوه 441 حصان و الدبل يجي مستمر ويفصل على سرعه 80/كم
يعني الاربع كفران تمشي لين سرعه 80/كم 
يعني عزم خذها سياره
وقطعها الاستهلاكيه نفس قطع اليوكن الدينالي ومعقوله اسعارها
والافضل لط تاخذ من موديل 2009 وفوق
لان 2009 وفوق يجي 6 غيارات ويجي فيها مبرد قير
عكس 2007 و 2008 تجي 4 غيارات واعتقد مافيها مبرد قير
وهالكلام ع الدينالي اما الاسكاليد ما ادري
بس اعتقد انه نفس الدينالي عشان كذا قلت لك هالكلام
بالتوفيق

مع الوالد ايسكاليد 2009 قصير
بكل امانه مشكلتها الوحيده ان جنوطها مقاس 22 
كان يعجبني بالسواقه لكن بعد ماجربت اليوكن المكينه الصغيره و بدووووون دبل قسم بالله ان اليوكن ابو جنط صغير وبدون دبل اريح جدا وانعم بالسواقه

الايسكاليد كشخه وشكله مغري لكن اشوف ان الدفع الرباعي المستمر مقرف بصراحه 

عموما لابد انك تجرب قبل الشراء وربك يكتب اللي فيه الخير

ابو زياد الاسكاليد من 2007 وفوق يجي القير 6 غيارات انا الى عندي 2007 الاخ المدينة الدفع الرباعي المستمر مافيه اي مشاكل ولا تحس وانت تسوق ان السيارة فيها دبل لأن المكينة جبارة وتتجاوب معاك بأقل دعسة اتفق معاك أن اليوكون العادي اريح في السواقة لأن مساعداته عادية والجنوط 17
عكس الاسكاليد تحس السيارة قاسية مع ان مساعداته هواء
السيارة فخمة تمتازبالفخامة من الداخل والخارج

بالنسبة لقطع الغيار الميكانيكية والاستهلاكية كلها نفس الجمس وأسعارها معقولة جداً
قطع غيار البودي غالية والاكسسورات اسعارها مرتفعه عند مثلاً شمعة نور اليوكون 1350 اما الاسكاليد 4300 ريال


بالنسبة للإستخدام طبيعي جداً ولا فيه أي مشاكل

بارك الله فيكم جميعا وما قصرتو أبد جزالكم الله خير استفساري حول موديل -2002 تحديدا هل نفس الي سبق بالنسبة للقطع والماكينة والجير وهل الرباعي فيها دايم يشتغل ويفصل على السرعات العالية

موتر حساس ولا تصّلح الا في الوكاله باختصارررر ؛))) 

تحت 2009 دمار وماتلقى قطعه بسهوله والشمعه الاماميه بدون زنون ب6000 وكل قطعه نار وداخليته تلقاه متفككه هذاه 2005 ملبق تحت ذابحنا خرابات

السلام علبكم عندي مسكله في السكاليد يتفتف وحيان يجي صوت عند ازرت البيبان وحيان تولع لنبت مانع الانزلاق ويختلف الموتر ويثقل وتسغيل عن بعد مايشتغل احيان يشتغل وحيان لا
ماخليت فحص ماجيته حتى الوكاله واخر شي قالو من عمود التيمن وغيرته وللاسف نفس المشكله موجوده ارجو من عنده عن الموضوع
يفيدنا وشكرن