أضف سؤال أو موضوع جديد          

قررت اشتري كدلك sts وش نصايحكم

up 3 down 1
abooood111 179
قبل 6 سنه



السلام عليكم شباب قررت اشتري سيارت كدلك sts وش نصايحكم لي موديل السياره ٢٠١١ 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخي الكديلاك موتر بمعنى الكلمه بس اللي مدمره الوكيل
القطع مو متوفره عنده لازم طلبيه ويمكن ماتوصل الا بعد شهر واذا حصلتها عنده يكون سعرها x4 يعني دبل اربع مرات
رحت للوكيل اللي في طريق خريص ابي بكره حقت شداد المويه واحصلها عنده 650 ريال واروح لباقادر بالصناعيه القديمه واحصلها ب 160 اصلي تخيل فرق السعر يعني مختصر الكلام الأحتكار هو سبب فشلها عندنا



up 0 down 0
freeman007 2
قبل 5 سنه و 9 شهر



مر على الموضوع 4 سنين
لكن بدلي بدلوي بحكم تجربتي
اذا عندك قيمة كدلك حطها في سيارة صيني ولا تحطها بكدلك لا ابوه لا ابو من صنعه
هذي السيارة الوحيدة المفروض يسمونها ( معاناة ) بدل ( كدلك )
لعن ابوها من سيارة مركب سرابيت موب مركب شيوخ .. تخليك تسربت من ورشة لورشة وتنسيك عيالك وبيتك واشغالك
اما عن الاحتكار ردا على الأخ فريمان :
الأحتكار ماله مجال الله يحفظك ولا فيه شي محتكر سواء بقطع الغيار او غيره .. اي تاجر في المملكة يقدر يجيب قطع غيارها ولكن منهو التاجر الي راح يجيب القطع ؟
ومنهو التاجر الي راح يفتح محل قطع غيار كدلك اصلا ؟؟
يا رجل جميع التجار ما يطيقون الكدلك وعرفين انهم لو جابو قطع غيار فهم خسرانين لأن القطع غالية جدا جدا مثلها مثل الكورفت واللامبرغيني والرولزرويس والرنج روفر والجاكور مافيه شي محتكر وبإمكان اي تاجر يفتح محل قطع غيار ويبيع
لكن لو فكرت فيها ان التاجر راح يتكلف في محل وتأسيسة بتكلفة عالية وموظفين برواتب .. تعال عند القطع :
طرنبة بنزين للكلدلك قيمتها مثلا 1700 ريال والمربح ما يتعدى 30 ريال .. بينما الكابرس والفورد قيمتها 700 ريال والمربح 250 ريال
مفتاح عجل لاندروفر او رنج روفر سعره بالوكالة 1400 ريال فقط المفتاح تبع الصواميل .. بينما عدة كاملة للتاهو ما تتعدى 600 ريال
بخاخات كدلك CTS مكينة 4 سليندر تكلف 9 الاف ريال .. بينما بخاخات إمالا تكلف 3700 مكينة حجم 6 سليندر

فما فيه شي اسمه وكيل تعبان
لكن فيه قطع ما تسوى قيمتها
ولا فيه مهندسين اساسا يشتغلون في الكدلك .. واذا توفر المهندس فثق تمام الثقة انه بيكلفك دم قلبك ويدفعك فلوس يخليك تندم انك تكون آدمي

والمهندس السعودي مات ماعاد فيه مثل زمان .. كان المهندس السعودي اذا سمعت طاريه تروح له بدون نقاش لأنه اقل سعر ويرهم لك بديل القطع وشغل نظيف ويظمن لك شغله 10 سنين ولا يكلفك شي ويشتغل هواية ومستانس بعمله



up 0 down 0
رحـ العاصفة ـيل 55
قبل سنه و 9 شهر